Дэлхийнд өндрийн хэмжээгээр 22-рт байрт ордог Умард Солонгосын Рюгён зочид буудлын /Ryugyong Hotel/ тэнгэр баганадсан барилга 20 гаруй жилийн турш эль хуль, цаашдаа ч ийм байх мэт дүнсийн сүндэрлэнэ.

Зураг үнэнийг өгүүлнэ. Зуун таван давхар Рюгён зочид буудал аймшигтай, үнсгэлжингийн цайз Пеньян хотод буй мэт үзэгдэнэ. Хүнд харуулахад ичгэвтэр зүйл учраас коммунист дэглэмт Хойд Солонгосын засгийн газраас гаргасан нийслэл хотынх нь албан ёсны зурагнуудаас үүнийг олж үзэхгүй. Барилга баригдсан газрыг хоосон байгаа мэт, эсвэл фотошопоор янзлах, бүр зурагнаас бүхэлд нь хасаад хаячихдаг байна.

Коммунист хэм хэмжээгээр ч гэсэн авч үзвэл, 3000 өрөөтэй зочид буудал хэт “үзээрийн” бөгөөд 100 гаран метр урт бүхий сааралтсан гурван жигүүр нь барилгыг эгц пирамид хэлбэртэй харагдуулжээ. 75 хэмийн налуу үүсгэсэн хажуу талууд нь 330 метрийн өндөрт байх шовх оройтой нь нийлэн байх “сүйрлийн зочид буудал” /Hotel of Doom/ (мөн хий үзэгдэлтэй зочид буудал /the Phantom Hotel, the Phantom Pyramid/ ч гэдэг) дэлхий дээрхи зүгээр нэг хамгийн муухай загвартай барилга ч бус, бас хамгийн муу, чанаргүй барьсан байгууламж ажээ. 1987 онд Baikdoosan Architects and Engineers барилгын суурийн шороог анх хөндсөн бөгөөд Хойд Солонгосын дотоодын нийт бүтээгдэхүүний 2%-с илүүг сорж байсан тус “мангас”-ын барилга хорь гаруй жил өнгөрсний дараа ч хүн суулгасангүй, хаалгаа нээсэнгүй, баригдаж дууссангүй.

“Сүйрлийн зочид буудал”-ын барилгын ажил 1992 онд зогссон /Хойд Солонгос мөнгөний хомсдолд орсон гэх буюу барилгын хийц буруу хийгдсэн тул хүн суух ямар ч боломжгүй болсон гэх дам яриа ч байдаг/ бөгөөд түүнээс хойш хүний ч гар хүрээгүй гэхэд болох аж.

Хойд Солонгосын нийслэл Пеньяны албан ёсны оршин суугчдын тоо 2.5-с 3.8 сая /засгийн газраас нь албан ёсны тоо байдаггүй/ гэвэл дэлхийн 22 дахь өндөр барилга болсон Рюгён зочид буудал асар том бүтэлгүйтэл болжээ. 2.9 сая хүнтэй Чикаго хот дахь Жон Ханкокийн төв 343 метр өндөртэй, бүрэн түрээслэгдээгүйн дээр хэзээ баригдаж дуусах нь ч мэдэгдэхгүй байгаатай үүнийг жишвэл юу гэх вэ.

Тэнд бодитоор амьдрах боломжгүй ч энэхүү барилга өөрийн гэсэн виртуал зууч менежерүүдтэй болжээ. Өөрсдийгөө “пирамидыг арчлан хамгаалагч” хэмээн тодорхойлсон Германы архитектор Ричард Данк, Андреас Грубер нар Ryugyong.org хэмээх сайтыг ажиллуулж байна. Энэ сайтад бүртгүүлээд тус зочид буудлын нарийвчлан харуулсан 3-н хэмжээст загварыг үзэж сонирхож болохын дээр өрөө “захиалж” болох гэнэ.