Он удаан жил дамнасан өрөө төлөхгvй бол дулаан өгөхгvй хэмээн Дулааны шугам сvлжээний компанийн удирдлагууд гvрийгээд байгаа. Yнэхээр хэдэн 100 мянган төгрөгөөр яригдах өртэй нэгэн байхад бvр саяд хvрчихээд өндийж чадахгvй бөгтийх СӨХ ч байгаа гэнэ. Одооноос ширvvлж, өрөө төлдөг зарчмыг мөрдvvлэхгvй бол нэг л өдөр тэрбумаар яригдан СӨХ байтугай дулаан шугам сvлжээ байгууллага хотоо дулаанаар хангаж чадахаа больж хөлдөх аюул нvvрлэхийг vгvйсгэхгvй. Тиймээс дулаанаа авах хvсэлтэй бол өрөө төл. Тэгсний дараа өвлийнхээ бэлтгэлийг сайн хангасан бол дулааныг чинь өгнө хэмээн дулааны шугам сvлжээнийхэн хатуу байр суурьтай байгаа. Харин ядуугийн зовлонд нэрвэгдээд байгаа СӨХ, конторууд болохоор боломжоороо л өрнөөсөө салах гэж ажиллаж байна гэнэ.

Болж өгвөл элдэв, төсөл хөтөлбөрийн хvрээнд дулааныхаа шугам сvлжээг засварлаад илvvчлэн хадгалсан хэдэн төгрөгөө өрөнд өгдөг хэмээн зовлонгоо тоочих аж. Ямартай ч, энэ хоёр байгууллагын зовлон жаргалын дунд нийслэлийн зарим хэрэглэгчид өвлийн хэдэн сарыг vстэй дээлтэй vдэх нь тодорхой болоод байгаа. Ер нь, СӨХ, конторууд хэрхэн бэлтгэлээ хангаж байгаа талаар Монголын сууц өмчлөгчдийн холбоодын дээд зөвлөлийн мэргэжилтэн Ж.Баяржаргалаас тодруулахад “СӨХ-д өвлийн бэлтгэлээ базаагаад хэдэн хувьтай явж байгаа мэдээллээ манайд өгч л байгаа. Яахав, зарим нэг хvндхэн өвөлжих СӨХ бий. Биокомбинат, Төмөр замын есөн шар гээд л. Тэглээ гээд оршин суугчдаа зутраана гэсэн vг биш. Тиймээс өөрсдийн нөөц боломжоороо бэлтгэлээ хангаж байна” хэмээн ярьж байсан. Харин бодит байдал дээр СӨХ, конторууд хэрхэн бэлтгэлээ хангаж байгаа талаар сонирхохоор Чингэлтэй дvvргийн “Опен хаус” ОСНААК-ыг зорьсон юм. 17 СӨХ-г хариуцах тус байгууллага халаалт зогсонгуут засварын ажлаа эхэлсэн хэмээн захирал Д.Мөнх-Өлзий ярьж байв. Тэрээр “СӨХ-уудын өвлийн бэлтгэл ажил vндсэндээ дуусч байгаа. Манайх Бага тойруу, долдугаар хорооллын 63 орон сууцыг халаалт, халуун хvйтэн усаар ханган ажилладаг. Дулааны шугам сvлжээ компанид дийлэхээргvй өр төлбөр байхгvй. 10,7 сая төгрөгийн өр бий ч vvнийгээ гэрээнийхээ хугацаанд дулааны төлбөрөө төлөхдөө шимтгэл маягаар төлөөд явчихна. Тиймээс гэрээ хийж болно хэмээн дулааныхаас мэдэгдсэн. Өвлийнхөө бэлтгэлийн хувьд vндсэндээ СӨХ-д ханган, 15-нд дулаан өгөхөд ямар ч гэсэн яана даа гэх бэрхшээл алга. 1940-1950 онд ашиглалтад орсон орон сууцнуудын тvгээлтийн төвлөрсөн шугам, сvлжээ нь бөглөрдөг, хагардагаас өвөл хөлдөх, халаалт бvрэн очихгvй зовоодог.

Тиймээс энэ жил шугам, хоолойг нь угаалгах, өнгөрсөн жил хvндхэн өвөлжсөн СӨХ-дын шугам, хоолойг засч, сольсон байгаа. Нэг дор бvгдийг нь сольчихож чадахгvй учир ээлж, ээлжээр л хийж л байна” хэмээн ярив. Харин долдугаар хорооллын иргэдтэй уулзахад “Өвөл зарим айл зутарсан. Хоёр давхрын айлын халаалт сайн байхад таван давхрынх муу байх жишээтэй. Халаалтыг жигд болгохын тулд СӨХ-оос шугам хоолой янзалж байсан. Өвөл л хийсэн ажил мэдрэгдэх байх даа” хэмээн ховлоод амжив. Yнэхээр ч өнгөрсөн жил өвлийн хахир хvйтнээр зутраасан СӨХ-дод ОСНААУГ –аас хатуухан “банга” хvртээсний буянд энэ жилээс тэд өвлийн засвар, vйлчилгээндээ ихээхэн анхаарсан. СӨХ бvр л өвөл хөлдчих гээд байдаг гэмтэй орон сууцны хуучирч, зэвэрсэн хоолойгоо сольж, дор бvрнээ л хичээсэн бололтой. Дулааны шугам сvлжээ компанийн ерөнхий инженер, Мөнхжаргал “Дулаан өгөхөд бэлэн болсон. Гагцхvv орон сууцны контор, СӨХ-ууд бэлэн vv гэдэг л чухал байна.”Өнөөдөр 80 гаруй орон сууцны контор дулаанаа авах гэрээгээ хийчихээд байна. 13-наас гэхэд “Дулаан өргөө”, “Сансар өргөө”, “Хаус сервис”, Төмөр замын дулаанаар хангах “Өнөр хотхон, Хайрхан дулаан гэх мэт контор, СӨХ-ууд дулаанаа авна. Бусад vлдсэн контор, СӨХ-ууд нийтдээ 820 сая төгрөгийн өртэй байгаагаас 15-нд дулаанаа авах уу vгvй юv гэдэг нь тодорхойгvй байна. Хэрвээ заасан хугацаанаас өмнө өрөө төлбөл дулаан өгнө. Төлөхгvй бол өгөхгvй” хэмээн хэлэв.