АНУ-ын Сан-Франциско хотын дуурийн дуурийн театрт энэ сарын 22-нд “Дэлхийн өдөр”-ийг тохиолдуулан Голдманы шагнал гардуулах ёслол болж өнгөрлөө. Уг шагналыг манай улсаас “Онги голынхон” хөдөлгөөний тэргүүн Ц.Мөнхбаяр хүртсэн байна. Сан-Франциско хотын иргэний хөдөлгөөний удирдагч, нигүүл сэнгүй үзэлтэн Ричард Голдман, эхнэр Рода Голдманы хамт анхлан 19 90 онд тус шагналыг буй болгожээ. 18 дахь жилдээ олгож байгаа 125 мянган ам.долларын шагналаар нэг жилд зургаан хүнийг шагнадаг бөгөөд байгаль орчны салбарын дэлхийн хамгийн том шагнал аж. Уг шагналыг Ази, Африк, Хойд, Өмнөд, Төв Америк болон Арлын улс зэрэг зургаан бүсээс 70 орны 119 хүн гардан авсан байна.
Олон улсын хэмжээнд байгаль орчны салбарын байгууллага, хүмүүсийн сүлжээнээс нууцаар нэр дэвшүүлэн олон улсын шүүгчдийн санал хураалтаар зургаан хүнийг шалгаруулдаг ажээ. Ц.Мөнхбаярыг Монголын тал дээгүүрх голын дагуух байгаль орчныг сүйтгэж буй уул уурхай, алт олборлолтын үйл ажиллагааг зогсооход төрийн болон олон нийтийн байгууллагуудтай хамтран ажиллаж, иргэдийн мэдлэгийг дээшлүүлэн, улс төрийн идэвхитэй үйл ажиллагааг явуулсан хэмээн шагнасан байна.