Сүүлийн жилүүдэд манай орны барилгын салбарт тулгамдаад байгаа зүйлийн нэг бол дулааны асуудал юм. Орчин үеийн шинэ дэвшилтэд технологи нэвтэрч байгаа өнөө үед нимгэн хэрнээ дулаан барилгын материалууд нэвтэрсээр байна. Тийм ч учраас энэ тал дээр Монголын барилгын инженерүүдийн холбоо, Улаанбаатар хотын эрчим хүч хэмнэлийн төв хамтран “Барилгад дулааны эрчим хүчийг хэмнэх боломж” сэдэвт сургалтыг зохион явуулж байна. Сургалт нь 11-р сарын 30-аас 12-р сарын 1 хүртэл явагдах бөгөөд уг сургалтыг МБИХ-ийн гүйцэтгэх захирал Б.Гантөмөр, ЭХХТ-ийн эрхлэгч Б.Цолмон, Дулааны эрчим хүчний инженер  С.Түвшинхүү нар  удирдах юм байна.

Сургалтын талаар зарим зүйлийг Эрчим хүч хэмнэлийн төвийн эрхлэгч Б.Цолмонгоос тодрууллаа. 

Яагаад барилгын дулааны чиглэлийн сургалтыг явуулах болсон бэ?
Манай оронд хүйтний улирал эхэлж байгаа мөн барилгын салбарынхны ажлын ачаалал багассан учраас энэ сургалтыг явуулах болсон юм.

Энэ сургалтыг явуулснаар ямар ач холбогдолтой вэ?
Сургалтын маань гол ач холбогдол нь орон сууцнуудын болоод амины орон сууцанд эрчим хүчийг хэмнэх, дулаандаа яаж эрчим хүч бага зарцуулах, тавь тухтай яаж дулаахан амьдрах, зэрэг чухал асуудлыг бид өнөөдөр сонгон авч сургалтаа явуулсан юм.

Хичнээн хүн сургалтанд хамрагдаж байна вэ?
Бидний явуулж байгаа сургалтанд хүмүүс идэвхитэй оролцож байгаа.  Одоогоор арван таван хүн манай сургалтанд хамрагдаж байна.

Сургалтанд маань ямар чиглэлийн үйл ажиллагаа явуулдаг аж ахуй нэгж, хувь хүмүүс хамрагдах боломжтой вэ?
Энд ямар нэгэн сонголт байхгүй. Сонирхсон хүн бүр манай энэ сургалтанд хамрагдаж болно. Бид заавал барилгын салбарынхны дунд зохион байгуулаагүй. Барилгын талаар мэдлэггүй, барилгын бус мэргэжилттэй хувь хүмүүс оролцож болно.

Цаашдаа ямар талын сургалтыг явуулахаар төлөвлөж байна вэ?
Ер нь цаашдаа барилгад дулааны эрчим хүчийг яаж хэмнэх талаар, мөн иргэдэд барилга барьхад юу юу анхаарах талаар, ямар ямар бичиг баримт бүрдүүлэх ёстой вэ? гээд олон сургалт явуулахаар төлөвлөж байна.

Сургалтын гол зорилго нь баргилгын хөрөнгө оруулагч, захиалагч, инженер, техникийн ажилтнуудад эрчим хүчний хэмнэлтэй барилгын тухай, барилгад дулаалга хийх, түүний ач холбогдол, дулаалгын үндсэн технологийн талаарх ойлголтыг өгч, барилгын дулаан техникийн тооцоохийх үндсэн аграгчлалд сурган, дулаан техникийн норм норматив, стандартийн нэмэлт сайжруулалт, хэрэгжилтийн талаар мэдээлэл өгөх зэрэгт чиглэгдсэн байна. Эд цаашдаа хамтран олон арга хэмжээ явууллахаар төлөвлөж байгаа юм байна.

Д.Нарантуяа
БАРИЛГА.мн