Зам тээвэр, барилга хот байгуулалтын сайд Х.Баттулга Японы “Марубени” корпорацын гvйцэтгэх дэд ерєнхийлєгч Кокvбv, тэдний Монголд суугаа тєлєєлєгч Фvжимото нарын тєлєєлєгчдийг хvлээн авч уулзжээ. Тус корпорацынхан Монгол орны эрдэс баялгийн нєєцийг ашиглалтын болон дэд бvтцийн салбарын тєслvvдийг сонирхож, хамтран ажиллах хvсэлтэй байгаагаа илэрхийлсэн. Тэдний сонирхож байгаа єєр нэг тєсєл нь Улаанбаатарын шинэ нисэх буудлын тєсєл ажээ. Тэд єєрсдийн сонирхлоо илэрхийлээд энэ салбаруудад харилцан ашигтайгаар хамтран ажиллах боломж байгаа эсэхийг ЗТБХБ-ын сайдаас лавлав.
Сайд vйлдвэржилт, зам, орон сууц барилгын салбарт хамтран ажиллах боломжтой, Япон улсын энэ салбарт хэрэглэж буй шинэ техник технологийг Монголд нэвтрvvлэх хvсэлтэй байгаагаа илэрхийлсэн юм.
Мєн єчигдєр сайд Х.Баттулга Канад улсаас Монгол Улсад суугаа Онц бєгєєд бvрэн эрхэт Элчин сайд Анна Биоликийг хvлээн авч уулзлаа. Тэдний хооронд “канад хаус”-ыг Монголд барих ажлыг эрчимжvvлж бодитой ажил болгох тухай яриа єрнєв. Уг нь манай улс “канад хаус”-ын нормативыг хvлээн зєвшєєрч баталсан ч ажил хэрэг болохгvй байгаа талаар дурдагдлаа. “Монгол Улсын 365 суманд хvн амьдарч, хvvхдvvд, цэцэрлэг сургуульд сурч байгаа, тэгэхээр тээвэрлэх болон барихад хялбар “канад хаус” манай улсад чухал юм.
Манайхан Канадыг Айвенхоу Майнз, хоккейгоор л мэддэг. Цаашдаа “канад хаус”-аар нь мэддэг болох байх” гэж Х.Баттулга сайд хэлэв. Элчин сайд хатагтай Анна Биолик тvvний энэ санааг талархан дэмжиж байгаагаа илэрхийлээд “Монголын 365 сумын цэцэрлэг, сургууль “канад хаус”-тай болж, хажууд нь мєсєн талбай байгуулаад хоккей тогловол канадуудыг монголчууд ялах болно” гэлээ. Тэрээр Канад улсаас Монгол Улсад байнга суухаар ирсэн анхны Элчин сайд юм.