“Монгол-Барилга 2008” барилгын үзэсгэлэн яармаг 4-р сарын 16-19-ны хооронд МТҮП-д амжилттай болж өнгөрлөө.

Үзэсгэлэн яармагт нийт 30 гаруй байгууллага оролцож өөрийн нэрийн бүтээгдхүүн болон үйлдвэрлэлээ олон нийтэд макетаар болон бодитоор  дэлгэн тавьж танилцууллаа.

Үзэсгэлэн яармагын хаалтын ажиллагаа БЗД-ийн “Хан палас” цогцолборын ресторанд болж, БХБЯ-ны мэргэжилтэн н.Болд, БХБНААҮТ-ийн дарга Б.Бямбажав болон барилгын компаниудын захирлууд оролцлоо. Энэ үеэр барилгын бизнесийхэн шилдгээ шалгаруулжээ.

БХБЯ, БХБНААҮТ, “Барилга МН” зөвлөгөө мэдээллийн төвтэй хамтран жил бүр уламжлал болгон зохион явуулдаг энэхүү барилгын үзэсгэлэн яармагын энэ жилийн шилдэг компаниар барилга угсралтын “Сум бар констракшн” шалгарч, ерөнхий захирал н. Батбилэг өргөмжлөл, бусад зүйл, “Нэмэх” трейдийн нэрэмжит шагнал болох Хөвсгөл аймгийн “Галт” рашаан сувилалд 7 хоног амрах 2 хүний эрхийн бичгүүдээр шагнагдлаа.

Хүлээн авалтын үеэр азтангууд тодруулж, Барилгын материал үйлдвэрлэгч “Нэмэх трейд”, “Ханмисануб” болон газрын зураг үйлдвэрлэгч “Их газрын зураг” зэрэг компаниуд тодорч “Барилга МН” барилгын порталд 1 сар үнэгүй баннер тавиулах эрхээр шагнагджээ. Мөн “Таах уу, тайлах уу” хөгжөөнт тоглоом зохион явуулсан нь нэлээд сонирхолтой болж “Зарубежстрой” компанийн ерөнхий менежер В.С Зимиров түрүүлэн мөн л “Галт” рашаан сувилалд 7 хоног амрах 2 хүний эрхийн бичгээр шагнуулжээ.