Замын-Үүдийн ачаа шилжүүлэх анги нь гаднаас манай улсад орж ирсэн ачааг саадгүй буулгаж зохих эзэнд нь хүргэх, ачааны хуримтлал бөглөрөлгүй байлгах үүрэгтэй.

                Харин ачааны 40-60 хувийг эзэлдэг цемент, задгай тоосго зэрэг хадгалах, тээвэрлэхэд нарийн горим шаарддаг хагарч, норох материалыг ихэнхдээ гараар ачдаг аж. Ачааны урсгал ихэссэн өнөө үед тус анги техник технологийн шинэчлэл хийх, техникийн баазаа өргөтгөхгүй бол улс хоорондын ачаа тээвэр саатах аюул нүүрлээд байгаа учраас Улаанбаатар төмөр замын захиргаа "Замын-Үүд-2" өртөөний дэргэд ачааны тусгай хашаа барьж эхэлжээ. Ингэснээр зургадугаар сарын 1-нээс ачааны бөөгнөрлийг арилах юм байна.