Нарантуул захын хойд талын гэр хорооллыг эхний ээлжинд нүүлгэн шилжүүлж, инженерийн шугам сүлжээ, дэд бүтэц бий болгоно. Энд орон сууцны XIV хороолол барих юм. Одоо тэнд 1459 өрх амьдарч байгаа. Барилгын ажлаа энэ сараас эхэлнэ. 12 мянган айлын орон сууц барихын тулд гэр хорооллын айлуудыг өөр тийш нүүлгээд, газар дээр нь бөөн барилга бариад эхлэнэ гэсэн ойлголт хүмүүсийн дунд бий. Энэ нь өрөөсгөл ойлголт шүү хэмээн Барилга, хот байгуулалтаын яамны “Төрийн нарийн бичгийн дарга” Ц.Ганхүү хэллээ.

Нарантуул худалдааны төвийн арын 98 айлын хамгийн түрүүнд нүүлгэх юм байна. Тэдэнтэй гэрээ байгуулан барих орон сууцанд оруулах нөхцөлтэйгээр газрыг нь чөлөөлүүлэхээр тохиролцож эхэлжээ. Тэр газарт 1300 айлын орон сууц сүндэрлэнэ. Гэхдээ ийм олон айлыг нэг дор нүүлгэх боломжгүй тул эхлээд 12 айлын газрыг чөлөөлүүлэхээр болсон аж. Нүүлгэсэн айлуудын газар дээр 980 айлын орон сууц барихаар зэхэж байна. Уг орон сууцанд газраа чөлөөлсөн болон чөлөөлөх айлуудыг оруулаад, сулласан газар дээр нь дахин орон сууц барина.

Одоо айл амьдарч байга, хувьчилсан газрыг ийм маягаар чөлөөлүүлж, орон сууцны хороолол бий болгохоор төлөвлөжээ.

Газартаа барилга бариулахыг зөвшөөрч, гэрээ байгуулсан айлуудыг тэнд, энд буу гэж газар заах өгөхгүй юм байна. Тэд орон сууцанд ортлоо түр хугацаанд хамаатан садан, таньдаг айлынхаа хашаанд түр амьдрах болможтой гэж үзэж байгаа аж.