МУ-ын ерөнхийлөгч Н.Энхбаяр НЗДТГ дээр 4-р сарын 25-нд засгийн газрын гишүүд, нийслэлийн удирдлагуудтай уулзаж 2020 он хүртэл нийслэлд хийх ажлын төлөвлөгөөний талаар ярилцлаа.

Энэ үеэр МУ-ын ерөнхийлөгч Н.Энхбаяр нийслэлд хамгийн их тулгамдаж байгаа агаарын бохирдол, ундны усны нөөц, гэр хорооллыг орон сууцжуулах зэрэг асуудлуудыг хөндөж нийслэлийн удирдлагуудад “Одоо яах вэ?” гэсэн асуултыг тавьж байлаа.

            БХБЯ-ны сайд Ц.Цолмон 2020 он хүртэл нийслэлд 130 мянган айлын орон сууц барихаар төлөвлөөд байгаа боловч 300-400 мянган айлын орон сууц барих шаардлага байгаа гэж ярьлаа.

            Мөн энэ өдөр Засгийн газрын “40 000 орон сууц” хөтөлбөрийн хүрээнд Сүхбаатар дүүргийн 11-р хорооны нутаг дэвсгэрт “Орон сууцны 7-р хороолол” төслийн эхний ээлжийн орон сууцны барилгын шав тавих ёслолын ажиллагаа болж ерөнхийлөгч Н.Энхбаяр оролцлоо.