“Өвсний навч” ТББ-аас Монголд чацарганы үйлдвэр байгуулагдсантай холбогдуулан 5-р сарын 9-нд сэтгүүлчдэд мэдээлэл хийлээ.

             Уг үйлдвэр нь чацарганыг боловсруулах, бүтээгдэхүүнийг нь экспортлох, улмаар чацарганыг дэлхийн брэнд болгох зорилготой байгуулагджээ.

Хэвлэлийн хурлын үеэр “Өвсний навч” ТББ нь чацаргана тариалах төсөл хэрэгжүүлж байгаа бөгөөд энэ ажлын хүрээнд чацаргана тариалах 80 га газрын зөвшөөрөл аваад байгаагаа мэдэгдлээ.

Чацарганы үйлдвэр байгуулагдсан нь хот суурин газар болон орон нутгийн иргэдийг ажлын байраар хангаж, мөнгөн орлогыг нь нэмэгдүүлэх, алт болон бусад ашигт малтмал олборлож буй компаниудын үйл ажиллагаанаас болж эвдэрсэн газрын хөрсийг нөхөн сэргээх зэрэг олон талын ашигтай юм байна.