4-р сарын 28, энэ өдөр бол Үйлдвэрийн осолд өртөгсдийн дурсгалыг хүндэтгэх олон улсын өдөр!

            Энэ өдрийг тохиолдуулан БХБНААҮТ, НМХГазар, УСУГазар, НҮЭХ зэрэг байгууллагууд хамтран жил бүр зохиодог “Осолгүй манлай -2008” бооцоот тэмцээн 4-р сарын 28-нд Монголын Үйлдвэрчний Эвлэлийн Соёлын Ордонд боллоо.

            Тэмцээнийг нээж Ус сувагын Удирдах газрын дарга н.Баатархүү үг хэлж мөн оролцогчид 1 минут дуугүй зогсон үйлдвэрийн осолд өртөгсдийн дурсгалыг хүндэтгэлээ.

            “Осолгүй манлай -2008” тэмцээн нь барилгын салбарт ажиллагсдыг хөдөлмөр хамгаалал, аюулгүй ажиллагааны арга барилд сургах, бусад орнуудын туршлагаас суралцах, “Хөдөлмөрийн тухай” Монгол Улсын хууль, түүнтэй холбогдон гарсан дүрэм, журам болон барилгын ажлын үед мөрдөх хөдөлмөр хамгаалал, аюулгүй ажиллагааны БНБД-үүдийг ажиллагсдад сурталчлах зорилготой юм.

            Энэ удаагын тэмцээн 250 мянган төгрөгийн бооцоотой “Бридж констракшн”ХХК, “Суруга Монгол” ХХК, “М энд Жи” ХХК, “Мастер Хайндс”ХХК гэсэн 4 компани оролцож “Бридж констракшн” ХХК түрүүлж бооцоогоо авлаа.