Хямд үнэтэй, чанаргүй барилга барих вий гэдгээс болгоомжилж байна
Barilga
2019-11-05
Барилга, хот байгуулалтын яамныхан банкныхантай уулзаж, орон сууцны санхүүжилт, зээлийн тогтолцоо бий болгох талаар ярилцлаа. Банкаа төлөөлөн уулзалтад оролцож буй хүмүүс барьцаалах орон сууц чанартай байх ёстой гэсэн шаардлага тавьж байлаа. Бага, дунд орлоготой иргэдэд зориулсан орон сууцны үнэ хямд байх учиртай. Хямд байлгахын тулд чанаргүй материалар барилга бариад, хүмүүст урт хугацаатай зээлээр олгочихож болохгүй. Орон сууц авсан иргэн 10 жилийн дотор зээлээ төлж чадахгүй бол чанаргүй барилгыг хэн худалдаж авах юм бэ. Газар хөдлөөд барилга нурчихвал банк хэнээс, юугаа нэхэмжлэх вэ хэмээн болгоомжилж байгаагаа хэлсэн.
Гасгийн газар хөрөнгө гаргаж орон сууц бариад бага, дунд орлоготой иргэдэд түрээслүүлж болдоггүй юм уу гэсэн байр суурьтай хүн ч байв. Хувийн хэвшлийнхний хийж чадах зүйлд төр оролцохгүй гэж сангийн яамныхан хариуд нь мэдэгдэв.