МУ-ын шадар сайд М.Энхболд Улаанбаатар хотын захирагч байхдаа хууль бус газрын зөвшөөрлүүдийг өгчээ.

            Нийслэлийн засаг дарга бөгөөд Улаанбаатар хотын захирагч асан М.Энхболд 2002 онд ХУД-ийн 1-р хорооны нутаг дэвсгэрт байрлах 14, 15-р байрны урдах талбайн газрын зөвшөөрлийг иргэн Р.Бадралд олгожээ. Уг газар дээр орон сууцтай бараг наалдах шахам барилга барьж эхэлсэн нь оршин суугчдын бухимдлыг төрүүлж, иргэд хөөцөлдсөөр байж 2003 онд газрын зөвшөөрлийг хүчингүй болгожээ. Гэвч 2004 онд дахин М.Энхболд газрын зөвшөөрөл олгож, одоо “Инкон” ХХК орон сууцны цонхноос ердөө 50 см зайтай буюу 10 айлын үзэгдэх орчин болон нарны гэрэл, агаарын урсгалыг хааж 2 давхар, 13 давхар зочид буудлын хоёр барилгыг барьж эхэлжээ.

            Мөн л 2003 онд шадар сайд М.Энхболд нийслэлийн засаг дарга  байхдаа БГД-ийн 1-р хорооны 4, 5, 6-р байрны /Арктай шар байшин/ зүүн хойд талын газрын зөвшөөрлийг “Халиун толгой ” ХХК олгожээ. Одоо “Халиун толгой ” ХХК энэ газар дээр 10 давхар үйлчилгээ, орон сууцны барилга бариулж байгаа бөгөөд оршин суугчид нь мөн л ая тухтай орчинд амьдрах эрхийг нь боогдуулж байгаад гомдолтой байдаг аж.

Хуучин байрных нь урд талбай дээр усан оргилуур, мод цэцгийн мандал бүхий хүүхэд хөгшдийн нарлах саравч, тоглоомын талбай байдаг байсныг оршин суугчид ярьж байна.