БНХАУ-ын Жилин мужийн Чанчунь хотноо энэ оны 9-р сарын 2-6-ны өдрүүдэд “БНХАУ- Зүүн Хойд Азийн Худалдаа хөрөнгө оруулалт” сэдэвт олон улсын үзэсгэлэн яармаг болох гэж байна. Тус үзэсгэлэн яармаг нь дөрөв дахь удаагаа зохион байгуулагдаж байгаа бөгөөд манай орны хувьд  эдийн засаг хамтын ажиллагаа тэр дундаа урд хөршийн импортын барааны чанарыг дээшлүүлэх, муж хот тосгодуудын үйлдвэрлэгчид, хөрөнгө оруулагчдыг Монголын бизнес эрхлэгчидтэй холбож хамтран ажиллуулах зэрэг олон талын ашигтай форум болно.

            Манай улс барилгын материалынхаа ихэнх хувийг урд хөршөөс нийлүүлдэг боловч сүүлийн үед нийлүүлж байгаа барилгын материалын чанар эрс муудаж байгаа энэ үед дээрх үзэсгэлэнгийн үеэр болох чуулга уулзалт чухал ач холбогдолтой гэж үзэж болох юм.

            Энэхүү олон улсын дээд хэмжээний чуулга уулзалтын талаар дэлгэрэнгүй мэдээлэл хүргэх, хоёр улсын хамтын ажиллагааг Улаанбаатар хотын удирдлагууд болон холбогдох хүмүүстэй уулзаж ярилцах зорилготой БНХАУ-ын засгийн газар, бизнесийн бүрэлдэхүүнтэй 25 хүн 4-р сарын 19-23-ны өдрүүдэд манай оронд ирээд байна.

            Төлөөлөгчид Монголын хувийн хэвшилд чадвартай боловсон хүчин бэтгэхэд зориулж сургалтын тоног төхөөрөмжийг МҮХАҮТ-д өгөхөөр болжээ.