1 м.кв нь 400 гаруй долларын үнэтэй 2 өрөө амины орон сууцыг амьдрах аль ч газраа зөөж байрлуулж болдогоороо онцлогтой юм.

         Энэхүү орон сууц нь 7,2 м урттай, 6 м өргөнтэй бөгөөд 8 тн-ын жинтэй, 40 м.кв-ын ашигтай талбайтай бөгөөд хүний биед тустай цахилгаанаар ажилладаг шалны халаагуурын систем суурилуулж өгчээ. Мобиком, юнитэлийн сүлжээ барьдаг газар алсаас гар утсаараа халаалтын системээ удирдаж тохируулах боломжтой гэнэ.

     Үндсэн каркасыг төмөр эдлэхүүнээр зангидаж угсарсан бөгөөд 10 см сайн чанарын сэндвичэн хавтангаар бүрж, дотор талаас нь эрдэс хөвөнгөөр давхар дулаалж, гипсэн хавтангаар доторлосон энэ байшингын зочны өрөө гал тогоог хамтад нь төлөвлөж унтлагын нэг өрөө, ариун цэврийн өрөө, үүдний гонх гэсэн өрөө тасалгааны зохион байгуулалттай бөгөөд цэвэр бохир усны асуудлыг шийдэж өгчээ.

            Дээрх амины орон сууцыг газар дээр нь бус үйлдвэрлэлийн аргаар угсарч зөөж байрлуулан, 5 жилийн хугацаатай 100 хувийн чанарын баталгаа өгөх юм байна.

            Энэ амины орон сууцыг үйлдвэрлэгч нь иргэдийг хурдан хугацаанд, хямд үнэтэйгээр орон сууцжуулах зорилготой үйл ажиллагаагаа явуулж байгаа юм байна. Цаашид 3, 4 түүнээс ч олон өрөөтэй байшин үйлдвэрлэх боломжтой гэнэ.     

Н.Уранзаяа
БАРИЛГА.мн