Улаанбаатар хот, Дархан-уул аймгийн нийт 8 байрыг 1991 оноос эхлэн Оросын тал өнөөг хүртэл 18 жил 526 өрхийн 3 мянга таван зуун орчим иргэдэд маш өндөр үнэтэйгээр түрээсэлсээр иржээ.

            Дээрх байруудыг оршин суугчдад нь өмчлөхийг ямар ч шалтгаангүйгээр зөвшөөрөхгүй гэдэг хариуг Оросын тал өгсөөр өдийг хүрчээ. Харин социализмын үед буюу их “өрийн үед” ямар ч боломжгүй гэж албаны хүмүүс ч мэдэгддэг байжээ.

            Түрээсийн иргэдийн эрх ашгийг хамгаалах холбооноос энэ асуудалтай холбогдуулан энэ сарын 8-нд сэтгүүлчдэд мэдээлэл хийлээ. Энэ үеэр Холбооны тэргүүн Б.Батцэцэг: Энэ түрээсийн асуудлыг хариуцдаг “Шим” компанийн захирал Нийслэлийн Ардчилсан намын дэд дарга н.Батаагийн гарын үсэгтэй орос иргэдэд 50 центээр, Монгол оршин суугчдад сарын 200 мянган төгрөгөөр түрээсэл гэсэн тушаал гаргасан байна. Энэ бол зах зээлийн дундажаас маш дээгүүр үнэ. Үүнтэй санал нэгдэхгүй байгаа зарим нэг оршин суугчдыг шүүхэд өгчихсөн байгаа. Бид чинь өөрийнхөө газар нутаг дээр бусдад түрээс төлж амьдарсаар байна гэж ярьлаа.

            Гадна талын хашаатайгаа нийлээд нийт Монголын 200 мянган м.кв газар одоог хүртэл ОХУ-ын өмч байсаар байна.