Барилга МН

“Жигүүр гранд”-ын ерөнхий захирал гэдгээрээ олонд танигдсан Д. Баттөрын “Амьдрал” нэртэй уран бүтээлийн амьд тоглолт 11-р сарын 2,3-нд UB palace-ын концертын их танхимд болох юм байна. Тэд өнөөдөр тоглолтынхоо талаар хэвлэлийн бага хурлыг “Grand office”-н төв байранд хийлээ. Энэхүү хэвлэлийн бага хуралд “Гранд хамлаг”-ийн продюссер Д.Баттөр, Пентатоник акедемийн ерөнхийлөгч Долгион, “New star” студын захирал Л. Энхтайван, Гранд хамтлагийн дуучин Гантулга гээд холбогдох хүмүүс болон хэвлэл мэдээлийнхэн оролцсон. 

Анхны уран бүтээлээ өөрийн зохиосон дууны нэрээр нэрлэсэн Д. Баттөр гуай багаасаа дуу хөгжим их сонсдог байжээ. Түүний энэхүү мэдрэмж нь 27-н жилийн дараа уран бүтээл болон гарч ирж байгаан байна. 2 цаг 30 минутын турш таныг уйдаахааргүй амьд хөгжим эгшиглэх энэхүү тоглолтонд 23-н дуу дуулагдах бөгөөд 18-н дууны үг аяыг нь өөрөө зохиосон байна. “Амьдрал” нэртэй тоглолтонд “Гранд хамтлаг”, МУГЖ Ц. Түвшинтөгс, МУГЖ Д. Жаргалсайхан, МУГЖ Сарантуяа нарын уран бүтээлчид мөн залуу дуучид болох МУСТА А. Хаянхярваа, С. Сэрчмаа, дуучин М. Үүрийнтуяа нар оролцох юм байна.

Тоглолт болгон өөрийн онцлогтой байдаг. Тэгвэл энэ удаагийн тоглолт нь эхлэхээсээ авахуулаад дуустал амьд хөгжим эгшиглэхээрээ өвөрмөц юм. Хэвлэлийн бага хуралын үеэр Д. Баттөр гуай хэлэхдээ:
"Би энэ тоглолтонд зориулж шинэ хөгжим авсан. Энэ нь цаашид рок попыхонд их хэрэгтэй юм. Сүүлийн 2 жилийн турш барилгын бизнесийн хажуугаар энэ бүхнийг хийсэн юм. Тэгэхээр энэ тоглолт маань миний 2 жилийн турш хөдөлмөрлөсний үр дүн гэж ойлгож болно" гэлээ.