Барилга барьж, бариулж байгаа байгууллагуудын төлөөлөгчид, МҮЭ-ийн дарга, Улаанбаатар хотын удирдлагууд хамтран зах зээлийн дундаж өртөгөөр яаж барилга, орон сууц худалдаж авах, яаж бариулах, барилга орон сууцны үнийн хөөрөгдөл, түүнээс гарах арга замын талаар энэ сарын 8-нд хуралдлаа.

Хуралдаан дээр зах зээл дээр байгаа орон сууцны үнийн ханш нь хэт хөөрөгдөлтэй байгаа бөгөөд жил ирэх тусам үнэ өсч байгаа нь гол түүхий эд болох цемент арматурын үнэ өсөж байгаатай холбоотой, үүнийг шийдвэрлэх гол арга зам нь дотооддоо энэ төрлийн түүхий эдийн үйлдвэр байгуулах нь зүйтэй гэдэг талаар ярьлаа. Мөн Барилга угсралтын салбарт ажиллаж байгаа ажилчдын дийлэнх нь Хятад иргэд байгаа тэдний тоог багасгах арга хэмжээ авахын тулд нийтэд ил тод байлгах зэрэг зүйлүүд яригдлаа.   

Орон сууцны үнэ өнгөрсөн оныхоос 37,2 хувиар өсчээ. Орон сууцны 1м.кв-ын үнэ 400-500 доллар байгаа нь зах зээл дээр байгаа хамгийн доод ханш юм.