Ерөнхий сайд С.Баяр энэ сарын 10-нд ОХУ-д айлчлах гэж байгаатай холбогдуулан хамтран ажилладаг нйигэм эдийн засгийн олон асуудлууд хөндөгдөж, үүнийг дагаад манай нийгмийн олон салбарын хүмүүс энэ айлчлалд анхаарлаа хандуулж, ач холбогдол өгч байгаа.

            Эдгээр асуудлуудын нэг бол манай дэд бүтэц, тэр дундаа төмөр зам дээр авч хэрэгжүүлж байгаа хамтын ажиллагаа юм. 1946 онд хийсэн төмөр замын гэрээг дахин ярилцаж, төмөр замын бүсчилсэн арга хэмжээ авах шинээр 7700 км төмөр зам тавих зэрэг асуудал бол энэ салбарын нэн тэргүүнд тавигдаж хэлэлцэх асуудлуудын нэг юм. Үүнтэй холбогдуулан ерөнхий сайд ОХУ-ын төмөр замын дарга Якуринтай уулзаж төмөр замын тал дээр хамтран ажиллах хоёр улсын бүхий л асуудлыг ярилцах юм.

            Манай талаас хамгийн их санаа тавьж, харж байгаа гол асуудал бол бензины үнэ тэнгэрт хадаж, бидний Монголчууд бараг л хойд хөршөөс хараат байдалтай амьдрах дээрээ тулаад байгаа энэ үед бензиний үнийг харилцан ашигтайгаар барьж байхаар тохиролцох явдал юм. Ингээд яриад байвал ерөнхий сайдын энэ удаагын айлчлал цаг үеэ олсон ашигтай айлчлал болох юм.

            Ерөнхий сайдын ОХУ-д хийх айлчлалыг манай хэд хэдэн яамдын сайд нар болон хэвлэл мэдээллийн ажилтнууд дагалдан явах юм байна.