Ирэх өвөл Улаанбаатар хот гамшгийн хэмжээнд хүрсэн утаан дундаа өвөлжих нь тодорхой байна гэж Уул уурхайн хүрээлэнгийн ерөнхий инженер С.Мангал ярив.

                Учир нь өнгөрсөн жилээс эхлэн "ДЦС II төрийн өмчит компанийг түшиглэн байгуулах экологийн цэвэр үйлдвэр" төсөл хэрэгжихээр болж, УИХ болон Засгийн газрын тогтоол гарсан. Гэтэл нэг жил өнгөрч байхад энэ үйлдвэрийг барьж байгуулах эсэх нь тодорхойгүй байгаа аж. Асуудал ингэж сунжирсан нь ТЭХЯ болон Түлшний бодлогын газрын дарга нарын хариуцлагагүй үйл ажиллагаатай холбоотой хэмээн инженер С.Мангал өгүүлж байна. Анх үйлдвэр 9.6 сая ам.доллараар баригдахаар төлөвлөгөөнд тусгагдсан бол цаг хугацаа алдсанаар 12-13 сая ам.доллар болж өртөг зардал өсч байгаагийн дээр нийслэлийн гэр хороолынхны 50 хувийг цэвэр түлшээр хангах зорилт хад мөргөж байгаа аж.

                Уг үйлдвэр байгуулагдсанаар жилд 420 мянган тонн нүүрс боловсруулж, 210 мянган тонн хагас коксжсон нүүрс, 20 гаруй мянган тонн давирхай гаргахын зэрэгцээ боловсруулах явцад гарсан хийгээр ДЦС-аас ажиллуулна гэж техник, эдийн засгийн судалгаанд тусгагдсан юм байна

МОНЦАМЭ