УИХ-аас “Монгол Улсын иргэн бүрт газар өмчлүүлэх тухай ” шийдвэрийг батлан гаргаж 2008 оны 5-р сарын 22-ны өдрөөс эхлэн хэрэгжиж эхлэхээр болсон.

            Мэдээж энэ хууль Монголын ард түмэнд хэрэгтэй, гэхдээ яагаад заавал сонгуулийн үеэр батлагдчихав аа? Ардчилсан намын дарга Ц.Элбэгдорж гуайн хэлдэгээр Ардчилсан хувьсгал ялсанаас хойш 18 жилийн турш яригдаад байсан асуудал гэнэт өнөөдөр гарч ирээд үлгэрийн юм шиг шийдэгдчихэв ээ! Ингээд бодохоор энэ хууль ард түмний төлөө биш хэн нэг намуудын төлөө гарсан хууль мэт сэтгэгдэл өөрийн эрхгүй төрж байна.

            МУ-ын иргэн бүрт газар өмчлүүлэх тухай хууль гарсан нь эрх баригч намуудын “бахархлыг” төрүүлэх болсон. Хэвлэл мэдээллийн хэрэгслүүдээр нам болгон л манай ч гишүүн санаачилсан, манай нам ч идэвхтэй оролцсоны үр дүнд батлагдлаа гэж улс төрийн шоу хийх болсон.

Өрхийн хэрэгцээнд зориулж айл бүрт газар өмчлүүлэх тухай урд нь гарсан хууль нь ч тийм сайн хэрэгжиж амжаагүй байхад дараагын хууль нь гараад ирлээ.

            Ард түмэн газраа хуулийн дагуу өмчилж ашиглах эрхтэй юу эрхтэй түүнийхээ дагуу үр ашгийг нь ч авах эрхтэй. Гэтэл ард түмний энэ эрхүүдийг эрх мэдэлтнүүд өөрийн эрх ашигт нийцүүлэн ашиглаж дунд нь жирийн иргэн бидний эрх ашиг зөрчигдөөд байх уу?