Ойрын 3-4 жилд Дархан хотод баригдах хамгийн орчин үеийн хороолол болох 13 дугаар хорооллын анхны орон сууцыг барьж эхэлжээ.

Тус хорооллын инженерийн шугам хоолойн барилгын ажил ч улсын төсвөөр хийгдэж эхлээд байгаа юм. Тендерт шалгарсан "Дархан дулааны сүлжээ", "Дархан ус суваг" ХК-иуд ажлаа эрчимтэй эхэлж явц нь сайн байгаа аж.

Шинэ хороолол нь 20-60 айлын 5-9 давхар 16 сууц, тус бүр нь өөрийн эдэлбэр газартай, инженерийн холболт бүхий 150 гаруй хувийн тохилог сууц /хаус/, үйлчилгээ, соёлын барилгууд, мод зүлэг, зам талбайн тохижилт бүхий иж бүрэн, орчин үеийн шийдэл бүхий тохилог хороолол болох юм байна. Хорооллын эхний барилгуудын гүйцэтгэгчээр тус аймгийн "Шар бүрд" компани ажиллаж байгаа юм байна.