Монголын Хаалга Цонхны Үйлдвэрлэгчидийн Холбоо /МХЦҮХ/-ноос санаачилсан Хаалга цонхны үйлдвэрлэгчид, барилга угсралт болон барилгын зураг төслийн байгууллагуудад зориулж “Хаалга, Цонхны стандарт, технологийн заавар, үйлдвэрлэлтийн хэтийн төлөв” сэдэвт сургалт семинар 2008 оны 6 сарын 11-нд Хаан Палас зочид буудалд болж өнгөрлөө.
МХЦҮХ-ы тэргүүн Д.Даваадорж нээж үг хэлж,
БАК-ын ЭШАА, МУ-ын зөвлөх инженер Н.Даш Барилгын цонх, техникийн ерөнхий шаардлага стандартын тухай
БХБНААҮТ-ын мэргэжилтэн, МУ-ын зөвлөх инженер П.Наранчимэг Хуванцар цонх хаалга техникийн шаардлага стандарт, технологийн заавар, тусгай зөвшөөрлийн тухай
СХЗҮТ-ын ахлах шинжээч П.Цэцэгмаа Монгол улсад мөрдөгдөж байгаа цонх хаалганы стандартууд, түүний биелэлтийн талаар,
Баталгаажуулалтын ахлах шинжээч, МУ-н зөвлөх инженер Ж.Янжмаа Баталгаажуулалт, тохирлын гэрчилгээ олгох тухай,
ХЭАХНийгэмлэгийн Гүйцэтгэх захирал Г.Тойвгоо Цонх Хаалганы талаар иргэдээс ирж буй гомдол саналын талаар,
МУ-ын зөвлөх инженер Я.Алагбанди барилгын материал үйлдвэрлэлийн талаар үг хэлж Хаалга, Цонхны стандарт, технологийн заавар, үйлдвэрлэлтийн хэтийн төлөвийн талаар оролцогчид ярилцаж санал бодлоо солилцлоо.
Цаашид Хаалга цонхны үйлдвэр болон барилгын материал үйлдвэрлэгчидэд тусгай зөвшөөрөл олгож тусгай зөвшөөрөлгүй үйлдвэрлэгчид бүтээгдэхүүнээ зах зээлд борлуулах боломж муу болх нь ээ. Иймд хаалга цонх болон барилгын материал үйлдвэрлэгчид тусгай зөвшөөрөл авч тохирлын гэрчилгээ авах шаардлагатай болж байна.