Та байшин барих гэж байна уу, эсвэл орон сууц худалдан авахаар төлөвлөж байна уу. Ингэхэд танд юу дутагдаж, юу хэрэг болж байна вэ. Энэ тухай мэдээлийг Мэдээлэл технологийн үндэсний парк-т гарч буй “Их Бүтээн Байгуулалт-2007” үзэсгэлэнгээс авах боломжтой юм. Энд байшин барих, хана, тааз, дээврийг ямар материалаар хийж болох, цонхныхоо шилийг хэрхэн хамгаалах талаар оролцогч компаниудын мэргэжилтнүүд зөвлөгөө өгч байлаа.
Олны сонирхол татаж буй нь үндэсний үйлдвэрлэлийг дэмжих гэсэн уриатай чулуун хөвөн тусгаарлагч байсан. Байгалийн чулууг хайлуулж тодорхой хэмжээний холболт хийн бүтээгдэхүүнээ гаргаж авдаг гэнэ. Чулуун хөвөнг байшингийн шал, хана, дээвэрт дулаан тусгаарлагчаар ашигладаг. Мөн гэрийн дээвэр, шугам хоолойд ашиглаж болох аж. Ийм материалын дээжээр үзэсгэлэнд зориулсан жижигхэн байшингийн дээврийг ч хийсэн байна лээ. Чулуун хөвөн нь шатдаггүй, ус шингээдэггүй, экологийн цэвэр бүтээгдэхүүн тул хүний биед гаж нөлөөгүй, элдэв хортон шатвьж үүрлэх боломжгүй гээд олон давуу талтай. Чулуун хөвөн дээврийн гадна хэсгээр мөн дуу чимээ тусгаарлагч өнгө өнгийн металл хавтангаар бүрж дээвэр хийж болно.
Мөн та байшингийнхаа гаднахь өнгө үзэмжийг сайжруулж, гоёлын хашаа, хайс, цонх, тагтны хүрээгээ өөрчлөе гэвэл төмөр үйлдвэрлэлийн компанитай хамтран ажиллах болох аж.
Хаалга, цонхны шилийг хуучирч хагарахаас нь өмнө шилэн гадаргууны шидэт хальсыг нааж хамгаалалт хийж болох юм. Ингэснээр бат бөх чанартай, эдийн засгийн хэмнэлттэй давуу талтай аж.Мөн албан байгууллага, хувийн сууцанд нэн хэрэгтэй 4-15 литрийн багтаамжтай ус цэвэршүүлэгчийг “Хас банкны лизингээр худалдаж авч болох гэнэ. Энэхүү үзэсгэлэнээс барилгын засал, чимэглэл бусад материалаас гадна “Маршал таун-нд шинэ байрны захиалга өгөх, энэ онд багтаж ашилалтад орох “Баянзүрх цогцолбор хотхонтой танилцаж болох бодит” дүр зураг, эскизийг харах юм. Барилга барихад тань хэрэгтэй мэдээлэл, тохирох зөвлөгөө, заавар, хамтран ажиллах түншээ олж болох уг үзэсгэлэнд 30 гарауй байгууллага оролцож байгаа аж. Засгийн газраас хэрэгжүүлж байгаа “40000 айлын орон сууц” хөтөлбөрийн хүрээнд зохион байгуулж буй “Их Бүтээн Байгуулалт-2007” үзэсгэлэн 14-ний өдөр хүртэл үргэлжилнэ.