Өвөрхангай аймгийн төвд энэ зун орон сууцны 4-5 давхар таван барилга ашиглалтад орох аж.

Ингэснээр тус аймгийн төвийн 160 айл шинэ сууцанд орж, 12, 20, 40, 60-аараа айлсах юм байна. Засгийн газрын "Дөчин мянган айлын орон сууц" хөтөлбөрийн хүрээнд барьж буй эл бүтээн байгуулалтын шавийг тендерт ялсан хот, хөдөөгийн барилгачид өнгөрсөн жил тавьж, одоогоор барилгын ажлын 70-90 хувийг гүйцэтгээд байгаа аж.

Тус аймаг урьд нь ийм олон сууцыг нэг зуны дотор ашиглалтад хүлээн авч байсан удаагүй юм. Бас Арвайхээрт спортын цогцолбор, 1000 хүүхдийн хичээлийн байр ашиглалтад оруулах аж.