“Нарантуул” захын баруун уулзвараас урагшаа төмөр зам давсан явган хүний гүүрэн гарц барих зураг төсөл бэлэн болжээ. Гүүрэн гарц нь 460 метр урттай, 16 метр өргөн, долоон метр өндөр байх аж. Харин явган хүний гүүр нь 107 метр урт, 4.5 метр өргөнтэй, өндөр нь мөн долоон метр байх юм байна. 460 метр гүүрэн гарц , гүүрнээс хойд тийш авто зам нийт 800 метр байгууламжийг барихад 180 орчим тэрбум төгрөг зарцуурах тооцоо гарчээ.

Гүүрэн гарцны барилгын ажлыг энэ онд эхлүүлж 2012 онд дуусгахаар төлөвлөөд байна. Энэхүү гарцнаас үргэджлэх авто зам “Суруга Монгол” орон сууцны хороолол дундуур явж , баруун тийш эргэн хуучин танктай хөшөөний суурь хүрэх юм. Энэ зам нийт 3.2 км байх аж.