Аливаа бүх бараа материал, бүтээгдэхүүн өөрийн техник, технологийн  шаардлагыг хангасан хадгалалтын хугацаатай, хамгаалалт, тээвэрлэлт, шалгах, турших, хүлээн авахдаа зохих стандартыг мөрдлөг болгодог.

       Хүнс, хөдөө аж ахуйн бүтээгдэхүүн, гоо сайхны бараа, эм, тариа бэлдмэл ,бөс бараа ер нь бүх төрлийн бараа материал өөр өөрийн хадгалалтын нөхцөл горимтой байдаг. Жишээ нь,

     Мах хүнсний ногоог удаан хадгалахад жингийн хорогдолд орох , ялзарч муудах, соёлж ургах, гурил хөгцөрч өт идэх, гоо сайхны бараа,эмийн бүтээгдэхүүнүүд , хугацаа нь дуусаж үйлчилгээгүй болох хүний бие организмд сөргөөр нөлөөлдөг.

      Үүний нэгэн адил цемент нь хадгалах хугацаа 30-60хоног байдаг ба хугацаа хэтэрхэд өөрийн барьцалдах чанараа алдах, хэвлэгдэх чанар муудах,суултанд орох химийн холбоотой усаа алдах ,эрдсийн найрлага өөрчлөгдөх, агаар чиигийн үйлчлэлд гидротацын урвалд орж хатуурах, бэхжиж чанараа алддаг.

     Чанарын  шаардлага хангахаа больсон цементээр барилгын хийц эдлэлүүд, бетон, төмөр бетон эдлэл, хөнгөн бетон, каркасан барилгын цутгамал бетоныг хийхэд  чанарт сөргөөр нөлөөлөн бетоны бат бөхийг бууруулж улмаар барилгын чанар,аюулгүй байдал, эдэлгээний хугацаанд нөлөөлнө .

Иймд манай барилгын байгууллагууд цементийг хэрэгцээний хирээр зохих журам стандартын дагуу хадгалж хэрэглэх нь зүйтэй байна.

      Сүүлийн үед манай барилгын компани . бизнес эрхлэгчид энэ жилийн  барилгын ажилд хэрэглэх цементийг их хэмжээгээр нөөцлөн хадгалж байна.Энэ нь дээрхи сөрөг нөлөөтэйг анхаарах хэрэгтэй.

      Өнөөдөр Барилга, барилгын материалын үйлдвэрлэлд   “Портланд цемент Техникийн шаардлага.” MNS 974: 99 сатандартыг хангасан  цементийг өргөн хэрэглэж байна . Уг стандартад  доорхи шаардлагуудыг хангахаар тусгасан байдаг.  

· Цементийг хэсэг хэсгээр хүлээн авна. Хэсэг нь нэг үйлдвэрт үйлдвэрлэгдсэн, нэг төрөл маркийн цементээс тогтох бөгөөд чанарын нэг баримт бичигтэй байна.

· Цементийг борлуулагч байгууллага  хүлээн авах, хэрэглэгч байгууллага нь түүний чанарыг шалгахад MNS 976:99 стандартын дагуу дээж авч шинжилнэ.

         Борлуулагч байгууллага дээр цемент хүлээн авахад:

· Үйлдвэрийн хяналтын баримт бичиг ба хүлээн авах үеийн туршилтын дүнг үндэслэн борлуулагч байгууллага дээр цементийг хүлээн авна.

· Хэсэг бүрийн хүлээн авах үеийн туршилтын үед энэ стандартад тусгагдсан бүх үзүүлэлтээр цементийг туршина.

· Хүлээн авах үед тодорхойлох хяналтын үзүүлэлтийн нэр төрөл, эдгээр үзүүлэлтэнд тавих шаардлага, түүхий эд ,хагас боловсруулсан бүтээгдэхүүн, цементийн  үйлдвэрлэлийн хяналтын хэмжээ нь тухайн үйлдвэр дээр мөрдөгдөж байгаа технологийн баримт бичгээр тогтоогдох бөгөөд цемент нь энэ стандартад заагдсан бат бэхийн шаардлагыг найдвартайгаар хангасан   байна.

· Цементийн тухайн хэсэг энэ стандартын шаардлагыг бүх үзүүлэлтээр хангаж байвал түүнийг хэрэглэгчдэд нийлүүлж болно.

· Нэг хэрэглэгчдэд нийлүүлж байгаа цементийн хэсэг бүр нь дараахи зүйлийг  заасан чанарын баримт бичигтэй байна. Үүнд:

                1. Баримт бичгийн дугаар
                2. Борлуулагч байгууллагын нэр
                3. Цементийн тэмдэглэгээ MNS –ын дугаар
                4. Нэмэлтийн төрөл
                5. Хэсгийн дугаар , он, сар, өдөр
                6. Тээврийн хэрэгслэлийн дугаар
                7. Хяналтын тэмдэг
                8. Баталгаат хугацаа / хоногоор /

· Чанарын баримт бичиг нь цементийн хамт хэрэглэгчдэд байх ёстой.

· Хэрэглэгч нь цементийн чанарыг шалгахдаа эрх бүхий лабораторид MNS-976:99 стандартын дагуу хяналтын туршилт хийлгүүлнэ.

· Хяналтын туршилтыг цементийн баталгаат хугацаа дуусахаас өмнө хийсэн  байвал зохино..

       Үйлдвэрлэгч байгууллага нь цементийг ачсан өдрөөс эхлэн баталгаат хугацааг нийлүүлж байгаа нөхцлөөс шалтгаалан 30-60 хоногоор тогтооно.

                           Цемент хүлээн авахаас татгалзах:

· Энэ стандартын аль нэг шаардлагыг зөрчсөн цементийг хүлээн авахаас татгалзаж болно.

· Үйлдвэрийн силост 6 сараас  илүү хугацаагаар хадгалагдсан буюу шинжилгээ хийснээс хойш хэрэглэгчийн агуулахад 3 сар хадгалагдсан тохиолдолд хэрэглэхийн өмнө дахин шинжлэх шаардлагатай ба энэ стандартын аль нэг шаардлагыг хангаагүй тохиолдолд хэрэглэхийг хориглоно.

Цементийг контейнер ба уутанд савлаж эсвэл тусгай зориулалтын тээврийн хэрэгслэлээр задгай тээвэрлэнэ.

· Цементийг хадгалахдаа ус чийг авах ,бохирдохоос хамгаалсан байна.

· Цементийн нэр төрөл, маркаар нь ялгаж, тусад нь силосод, савласан тохиолдолд хуурай байранд / саравч г.м / хадгална.

· Ууттай цементийг 1.8 м –ээс ихгүй өндөртэй давхарлан хадгална. / 50 кг- аар савласан тохиолдолд /

Барилгын байгууллага, иргэд аж ахуйн нэгжүүд дээрхи стандартад заасны дагуу цементийг хүлээн авч, хадгалж, тээвэрлэж , борлуулж байгаадаа анхаарна уу.