Газартай холбоотой маргаан сүүлийн үед нэлээд гарах болж, тэрдундаа нийслэл дэх нийтийн хэрэгцээний газарт барилга орон сууц барих хууль бус зөвшөөрлийг удирдлагууд өгч байна гэдэг шүүмжлэл маш их гарах болсон.

40 мянгатын 40, 41, 42, 43, 44, 52-р байрнуудын хооронд “Зан интернейшнл” ХХК нь 2 ч барилга бариад амжжээ. Нийтийн эзэмшлийн талбай битгийхэл орон сууц хоорондын зайд барилга барьсан энэ компани одоо 3 дахь барилгаа барихаар эхлээд байгаа гэнэ. Орон сууцтай нийлүүлж барьсан урдны 2 барилгаас нь болж дээрх байрнуудын 3, 4-р давхаруудад байнга ус, цахилгаан тасарч, монтаж нь бууддаг, хонгилд нь бохир хальдаг болсон байна.

  “Зан интернейшнл” ХХК-ын 2002, 2003 онуудад барьсан дээрх 2 барилгын газрын зөвшөөрлийг тэр үеийн Нийслэлийн засаг дарга байсан Ц.Батбаяр олгожээ.

Энэ асуудалтай холбогдуулан дээрх байрнуудын оршин суугчид 2008 оны 5-р сарын 7-нд сэтгүүлчдэд хэвлэлийн бага хурал хийлгэлээ. Оршин суугчдын төлөөллүүд “Зан интернейшнл” ХХК”-ын захирал н.Болормаа нь НЗДТГ-ын ажилтан н.Цэцэгдэлгэрийн дүү бөгөөд нийслэлийн удирдлагууд газрын зөвшөөрлийг бусдад хууль бус аргаар өгч байна үүний цаана жирийн иргэдийн эрх ашиг маш их зөрчигдөж байна гэж ярьж байлаа.

Дээрх байруудад нийт 166 айл өрх амьдардаг ажээ.