“Forbes” сэтгүүл Оросын 100 баячуудын жагсаалтыг гаргалаа.Тус сэтгүүлийн мэдээлсэнээр жагсаалтыг Роман Абромавич дахин тэргүүлжээ. Тэрбээр 19,2 тэрбум ам доллортай тэнцэх хөрөнгөтэй. Оросын тэргүүн баян саяхан эхнэр Иринагаасаа салахдаа нилээд хэмжээний хөрөнгө өгсөн. Гэсэн хэдий ч Оросын баячуудын жагсаалтыг тэргүүлсэн хэвээр байна. Өнгөрсөн нэг жилийн хугацаанд түүний хөрөнгө 0,9 тэрбум ам доллараар аривжсан хэмээн “Forbes” сэтгүүлд бичжээ. Жагсаалтын 2-т “Русал””Базела” компаний эзэн Олег Дерипаски орлоо. Тэрбээр 16,8 тэрбум ам доллартай тэнцэх эд хөрөнгөтэй бөгөөд сүүлийн нэг жилийн хугацаанд 7,8 тэрбумаар аривжуулсан байна. Тус сэтгүүлд бичсэнээр Дерипаски сүүлийн үед маш эрчимтэй ажиллаж барилга зэрэг янз бүрийн салбарт шинэ төслүүдийг хэрэгжүүлж байгаа гэнэ. Оросын “Финанс” сониноос гаргасан судалгаагаар тэрбээр Оросын хамгийн баян хүнээр тодорсон байна.