АНУ-ын Калифорни муж дахь “Oversea Finance” хүмүүнлэгийн байгууллагын хөрөнгө оруулалтаар яармагт ОУ-ын ахлах сургууль барихаар боллоо.

Ахлах сургуулийн шав тавих ёслолын ажиллагаа 5-р сарын 19-нд болж ёслолын ажиллагаанд АНУ-ын Вашингтон хотын сенатор Пол Шин, АНУ-ын хувийн ерөнхий боловсролын сургуулиудыг хариуцсан газрын дарга Клен Данкан, МУ-аас АНУ-ын Калифорни муж улс дахь өргөмжлөлт консул Грейс Робертс, ХУ дүүргийн засаг дарга Ж.Загджав нар оролцлоо.  

            Энэхүү сургуулийг нийтдээ 40 гаруй сая доллараар барьж босгохоор төсөвлөөд байгаа бөгөөд тус сургуульд Америк мэргэжлийн багш нар хичээл зааж, цэцэрлэгийн наснаас ахлах анги хүртэл 1200 гаруй сурагч суралцах юм байна. Мөн 606 гадаад сурагчдын дотуур байр, орчин үеийн лабаротори бүхий анги тасалгаа, хөлбөмбөг, сагсны болон газрын теннисний талбай, дотоод усан бассейн, сонирхогчдын клубуудтэй байхаар төлөвлөжээ.

            Дээрх ахлах сургууль баригдаж байгаа явдал нь манай улсын хувьд боловсролын салбартаа оруулж байгаа томоохон хөрөнгө оруулалт төдийгүй сургуулийг дагаад төвийн холболт, шугам сүлжээ, зам гээд дэд бүтэц хөгжих боломж нээгдэж байгаа юм.     

Сургуулийн барилгыг барих гүйцэтгэгч компанийг 2008 оны 6-р сарын 15-наас тендер зарлан шалгаруулах юм байна.