УМХГ-аас замын барилга байгууламжын “Нутгийн зам”, “ABZG”, “Би Би сервис”, зураг төслийн “Милениум роуд” компаниудын үйл ажиллагааг түдгэлзүүлэх саналыг холбогдох яаманд хүргүүлжээ.

            УМХГ, НМХГ хамтран 2007 онд барьсан, засвар шинэчлэл хийсэн авто зам, гүүрийн барилга угсралтын ажлын чанарыг шалгажээ.

Шалгалтын үеэр Хайлааст Чингэлтэйг холбосон 1,5 км зам, Дамбадаржаагаас Тоосгоны үйлдвэрийн чиглэлийн 1,7 км, Амгалангийн чиглэлийн 2,9 км замын асфальт, бетон цутгахдаа агаарын темпратурын хасах хэмд хийснээс ховхорч, хучилт хуурч унасан зэрэг дутагдлууд гарчээ.

Иймээс УМХГ-ын дэд дарга Б.Баасан дээрх компаниудын үйл ажиллагааг түдгэлзүүлэх саналыг холбогдох яаманд хүргүүлэхээр болжээ.

Шалгалтад нийслэлд барьсан 17 объект, авто зам тавих эрхийн 12 байгууллага хамрагдсан байна.