АНУ-ын Thawzall компанийн өвлийн улиралд хөлдсөн газрыг гэсгээх буюу ухах, бетон зуурмаг хатаах зэрэгт ашигладаг төхөөрөмжийг Вагнер Ази компани оруулж ирсэнтэйгээ холбогдуулан 2008 оны 6-р сарын 3-нд харилцагч компаниудынхаа төлөөлөгчдөд дээрх төхөөрөмжийнхөө талаар үзүүлж танилцууллаа.

            Эрс тэс уур амьсгалтай манай орны хувьд өвлийн улиралд барилгын ажил үндсэндээ зогсдог. Харин энэ төхөөрөмж манайд орж ирсэнээр цаг агаарын байдлаас болж барилгын болон зам, газар шорооны ажил зогсох шаардлагагүй болоод байгаа юм.

            Thawzall компани нь 1996 оноос эхлэн үйл ажиллагаагаа явуулж байгаа бөгөөд Вагнер Ази компанид 2008 оны 1-р сард дээрх тоног төхөөрөмжийг нийлүүлж эхэлсэн байна.

            Энэ машин нь бойлурын аргаар тусгай шингэнийг халаан орчин буюу газрыг хөлдөөхгүй байх, тодорхой темпратурт ажил явуулах /дулаан хадгалах/, дулаан гаргах гэсэн үндсэн 3 ажил хийдэг бөгөөд өвлийн улиралд 40 градус хүртэлх хүйтэнд ажиллах чадвартай юм байна. Ойролцоогоор 2 мянган м.кв газарыг халаах хүчин чадалтай, 400 орчим летр түлш хийх банкны багтаамжтай бөгөөд банкаа дүүргэсэн байхад 4,3 өдөр зогсолтгүй ажиллах хүчин чадалтай ажээ.

Одоогын байдлаар Вагнер Ази компани нь түрээслэх үйл ажиллагааг эхлүүлчихсэн байгаа бөгөөд хараахан худалдаанд гаргаж эхлээгүй байна.