БХБНААҮТ-ийн дарга Б.Бямбажавтай “Гексаэдр Клауд” ХХК-ийнхан 2008 оны 5-р сарын 26-нд уулзаж Солонгос улсад мөрдөгдөж буй барилгын норм, дүрэм стандартыг Монголын нөхцөлд нийцүүлэн хэрэглэх тал дээр дэмжлэг үзүүлэхийг хүслээ.

“Гексаэдр Клауд” ХХК нь барилгын салбарт холбоо дохиолол, компьютерийн сүлжээ, түүний тоног төхөөрөмжийн угсралт, барилгын дотор гэрэлтүүлэг, цахилгаан хангамжийн угсралт, барилгын цахилгааны гадна салбар шугам сүлжээний угсралт, гал унтраах болон галын аюулын дохиоллын ситемийн угсралтын чиглэлээр үйл ажиллагаа явуулдаг ажээ.

Дээрх компани нь “Голомт хотхон”, “Түшиг” их дэлгүүр зэрэг барилгуудын цахилгаан, холбоо дохиоллын системийн угсралтын ажлыг гүйцэтгэжээ.

Уулзалтад “Гексаэдр Клауд” ХХК-ийн захирал Г.Чаминболд, ерөнхий инженер А.Бямбасүрэн, тус компанийн Солонгос талын харилцагч “Косом” компанийн гадаад худалдааны төлөөлөгч Чун-Хо Ко, ерөнхий менежер Ким Сан-Бок нар оролцож “Косом” компанийг танилцуулан, уг компанийн үйлдвэрлэсэн холбоо дохиолол, цахилгааны тоног төхөөрөмжийн талаар ярилцлаа.