Нийслэлийн Баянзvрх дvvргийн XV хорооллын дөрөвдvгээр хорооны нутагт цэлийсэн том хөл бөмбөгийн талбай байдаг даа. Тун удахгvй энэ талбайд орон сууцны хороолол сvндэрлэх нь ээ. Сvvлийн нэг сар энд барилгын ажил ундарч, хашааг тойруулан хаа сайгvй газар ухаж, машин техник ажиллуулж эхлэнгvvт иргэд илт дургvйцэх болов. Улаанбаатар хотод төдийгvй нийслэлд vлдсэн хамгийн боломжийн хөлбөмбөг, спортын цор ганц талбайн учрыг ийм амархан олсон учраас тэр. Хvvхэд хөгшидгvй чөлөөт цагаа өнгөрvvлж арьсан бөмбөг өшиглөж, дугуй, тэшvvрээр өвөл зунгvй нааддаг талбай хэдийнэ 100 гаруй сая төгрөгөөр зарагджээ.
        Энэ талаар Нийслэлийн газрын албаны Кадастрын хэлтсийн дарга М.Дунгармаагаас тодруулахад:
        -Баянзvрх дvvргийн дөрөвдvгээр хорооны нутаг дэвсгэрт байрлалтай Монголын vйлдвэрчний эвлэлvvдийн холбоодын өмч болох “Найрамдал” цэнгэлдэх хvрээлэнг МYЭ-vvдийн холбооны ерөнхийлөгчийн зөвлөлгөөний 2002 оны 09 дvгээр сарын 24-ний өдрийн 23 дугаар тогтоолоор “Ану сервис “ ХХК-нд худалдаж 2002 оны долдугаар сарын 19-нд хоёр тал vл хөдлөх хөрөнгө худалдах, худалдан авах гэрээ байгуулж актаар хvлээлгэн өгсөн байна. “Ану сервис” ХХК нь 2002 онд МYЭ-ийн холбооноос “Найрамдал” цэнгэлдэх хvрээлэнг худалдан авсан тул газраа баталгаажуулах хvсэлтээ манай албанд гаргасан. Энэ асуудлыг техникийн зөвлөлийн хурлаар хэлэлцvvлэн, Нийслэлийн Засаг даргын 2003 оны зургадугаар сарын 9-ний 248 дугаар захирамжаар 26952 ам метр газрыг хөлбөмбөгийн талбайн зориулалтаар “Ану сервис” ХХК-д эзэмшvvлэн, газар эзэмшvvлэх гэрээ байгуулж, гэрчилгээ олгожээ. Yл хөдлөх эд хөрөнгийн бvртгэлийн газраас “Ану сервис” ХХК-д “Найрамдал” цэнгэлдэх хvрээлэнгийн барилга байгууламжийн өмчлөгч болохыг нотолж 0069157 тоот Yл хөдлөх эрхийн хөрөнгийн бvртгэлийн гэрчилгээ олгосон нь ч бий. “АНУ сервис” ХХК нь дараа нь vл хөдлөх хөрөнгөө иргэн Б.Хурцад шилжvvлсэн. Yvний дагуу Yл хөдлөх эрхийн хөрөнгийн бvртгэлийн газраас иргэн Б.Хурцад vйлчилгээний зориулалттай барилгын өмчлөх эрхийн гэрчилгээг олгосон аж.

2004 онд Нийслэлийн газрын албанд “Ану сервис” ХХК болон иргэн Б.Хурц нар газар эзэмших эрхээ шилжvvлэхээр гаргасан хvсэлтийг судлан vзэж Газрын тухай хуулийн дагуу Нийслэлийн Засаг даргын 2004 оны аравдугаар сарын 6-ны өдрийн 455 тоот захирамжаар иргэн Б.Хурцад 26952 ам метр газрыг орон сууц, vйлчилгээний зориулалтаар таван жилийн хугацаатай эзэмшvvлэхээр шийдвэрлэжээ. “Найрамдал” цэнгэлдэх хvрээлэнгийн газрын vл хөдлөх эд хөрөнгө өмчлөгчийн эрхийн дагуу Иргэн Б.Хурцаас “Эрин интернэшнл” ХХК-д нийслэлийн Засаг даргын 2005 оны арваннэгдvгээр сарын 8-ны өдрийн 470 дугаар захирамжаар, “Эрин интернэйшнл” ХХК-иас Нийслэлийн Засаг даргын 2007 оны есдvгээр сарын 28-ны өдрийн 473 дугаар захирамжаар БНХАУ-ын 100 хувийн хөрөнгө оруулалттай “Зvvн ази хөгжил” компанид шилжсэн” гэж ярилаа.

        Эндээс нэг зvйл анзаарагдаж байна. Бидний нэрлэж заншсан “Найрамдал” талбайн газрын наймаанд Монголын vйлдвэрчний эвлэлvvдийн холбооны тухайн vеийн удирдлагууд оролцсон нь баримт болон vлджээ. Тус холбоодын ерөнхий зөвлөлvvдийн хурлын шийдвэрээр нийтийн эзэмшил бvхий талбайг ийн “Ану сервис” компанид 105 сая төгрөгөөр худалдан борлуулжээ. Энэ холбоо гишvvн байгууллагуудынхаа татвар, хандиваар санхvvждэг. Гэсэн атлаа гишvvдийн мөнгөөр бvтээн байгуулсан талбайг 2002 онд 105 сая төгрөгөөр дур мэдэн сэм борлуулсан нь тухайн vеийн удирдлагуудад ашигтай байсны гэрч биз ээ. Энэ томоохон хvрээлэнгийн газраар бизнес хийсэн нөхөд Худалдаа хөгжлийн банкны 2115162 тоот дансаар мөнгөө авч, өгөлцсөн байна. МYЭ-vvдийн холбооны ерөнхийлөгчийн зөвлөл гэх нэр бvхий тамга барьсан хvмvvс 2002 оны долдугаар сарын 19-ний өдөр өгч, авалцах гэрээ vйлдсэн аж. Тэдний ачаар залуучууд чөлөөт цагаа өнгөрvvлдэг “Найрамдал” цэнгэлдэх хvрээлэнгээсээ саллаа. Нэг компаниас нөгөөд шилжиж явсан нийтийн эзэмшлийн талбайг 2004 оны аравдугаар сарын 6-нд тухайн vеийн нийслэлийн Засаг дарга хөлбөмбөгийн талбайг орон сууц, vйлчилгээний зориулалтаар таван жилийн хугацаатай эзэмшvvлэхээр шийдвэрлэсэн нь бий.

        Эрх бvхий хvмvvс хэлэхдээ, “Хоёр тал хvсэлт гаргахаар нь ёсоор болгож зориулалтыг нь өөрчилсөн” гэж тайлбарладаг. Жирийн иргэний газрын асуудал ийм амар хялбар шийдэгддэг бол мөн сайхан аа. Хvчтэй нь хvчгvйгээ барьж идэхийн vлгэр “Найрамдал” цэнгэлдэх хvрээлэнгийн газрын маргаанаас илт харагдаж байна. Иргэн Дулмаа хашааны газраа vйлчилгээний зориулалттай болгох гэж хөөцөлдвөл лав таван жил зарцуулах байх. Харин мөнгөтэй хvмvvсийн албан бичигт нийслэлийн vе vеийн Засаг дарга нар дор нь нааштай хариу өгдгийн илрэл энэ байна. Нийслэлээр нэг чанартай, чанаргvй барилга босч, баар цэнгээний газар олширч байгаа нь “Найрамдал” цэнгэлдэх хvрээлэнгийн газрын наймаа шиг зvйл болоод буйг илтгэж байгаа юм биш vv. Олны хорхой хөдөлгөсөн газарт ашигтай шийдвэр гаргавал ашиг дагуулдаг болоод л газрын чимээгvй наймаа тодорхой хvрээнд цэцэглээд байгаа хэрэг. Далд бизнес хийсэн нь илэрч энэ хэрэг өдгөө Авлигатай тэмцэх газрынхны анхааралд ороод байгаа. Дээрх бизнест оролцсон, өгсөн авсан тал, гарын vсэг зурсан гээд бvх хvмvvсийг байцааж байгаа дуулдсан. “Эзэн нь юмаа мэдэж эрэг нь усаа хашиж” байгаа эсэхийг хяналтын байгууллагынхан тогтоох гэсээр байтал хятадууд барилгынхаа тоосгыг өрөөд дуусчих вий.
Зууны мэдээ