Гадаад орнуудын авто замууд ил харагдах зохицуулагчгүй ч машин тэрэгнүүд нь маш журамтай явж харагддаг. Тэр нь телекамерийн ач тус юм. “Төрийн түмэн нүд” хором ч цавчилгүй харж байгаа болохоор машин нь ч эмх журамтай, явган зорчигчид нь ч хоёрхон харайгаад гарчихаар замыг ногоон гэрэл астал хүлээдгийг бид мэднэ.

        Тэгвэл хоёр жилийн дараа гэхэд манай нийслэлийн зарим зам телекамертай болох нь. БНСУ-ын Экспорт-импорт банкны санхүүжилтээр “Улаанбаатарын тээврийн оновчтой систем” гэсэн төслийг хэрэгжүүлж байгаа юм. Үүнийг хэрэгжүүлснээр манай нийслэлийн замын 45 уулзварт шинээр гэрлэн дохио суурилуулж, 26 уулзварт телекамер, 22 уулзвартмэдрэгч, хоёр газарт мэдээллийн самбар байрлуулах аж. Зээлийн гэрээний дагуу энэ төсөл 2010 оны эцэс гэхэд дуусах юм байна.