Архитекторууд чамин, байгальд ээлтэй барилга босгох үүднээс шинэ маягийн, өндөр технологийн бетоныг хэрэглэх болжээ.
Францын архитектор Жак Ферье бол бетонд дурласан нэгэн гэнэ. Тэр энэ мэдрэмжээ Шанхайд 2010 онд болох дэлхийн үзэсгэлэнд оролцож буй Франц улсын павильоны дизайн зэрэг сүүлийн үеийн бүтээлүүддээ ихээр тусган харуулсны дээр гоо зүйн хувьд анхаарал татахуйц болсон гэдэгт итгэл төгс байгаа аж.
Ж.Ферье "Бетон маань мэдрэмжийг илэрхийлсэн" хэмээн бахархаж байна. Юуны өмнө, тэрбээр уг бетоны байгаль орчинд халгүй шинж чанартайг онцолж байна. Түүний төслүүдийн нэг болох Хайпергрийн нь өөрт шаардагдах эрчим хүчээ хангалттай үүсгэн бий болгохын тулд дугуйрсан, төмрөөр торлосон бетон фасадтайгаар зохион бүтээгдсэн цамхаг юм байна.
2010 онд болох Шанхайн экспо дээр очиж үзвэл үүнийг харж болох аж. Уг үзэсгэлэн технологи судлах сайхан боломжийг манайханд олгох бизээ.