Нийслэл хотод маань жил ирэх тусам олон барилга, байгууламжууд нэмэгдсээр байгаа. Тэгвэл өөрийн улсын барилгын салбарт хувь нэмрээ оруулж яваа “Номноо”-ийн захирал Гал-Эрдэнэтэй уншигч таныг уулзуулъя.

Надад “Номноо” гэсэн нэр их өвөрмөц, содон санагдлаа. Хоёулаа компаныхаа нэрний талаар ярилцлагаа эхэлье.
Манайх “Номноо” нэртэй компани биш л дээ. “Номноо гэдэг нь зөвхөн брэнд гэсэн утгатай нэр юм. Багад нь манай аавыг ойр дотны хүмүүс мөн дүү нар нь жинхэнэ нэрийг нь хэлж чадалгүй “Номноо” гээд дуудсан гэдэг. Түүнээс хойш одоог хүртэл тэгж дуудсаар байгаа. Аавын минь нэр гэхүү дээ.

Тэгэхээр “Номноо” гэдэг маань компани биш брэнд юм гэж та түрүүн тайлбарлалаа. Энэ талаараа яриач.
Би түрүүн яриандаа хэлсэн. “Номноо” нь бие даасан компани биш. Манай албан ёсны компаний нэрийг “Дельта пи” гэдэг юм. “Номноо” гэдгийг зохиомол шинэ брэнд гэж ойлгож болно. Нэг ёсондоо девлопор компани. “Номноо” маань бидний анх санаачилсанаар үл хөдлөлийн брэнд бүтээгдэхүүн болж байгаа. Үүний дотор барилга барьж, орон сууц зардаг, газар авах, зарах  гээд үл хөдлөлийн салбарыг бүгдийг нь хамарч үйл ажиллагаа явуулдаг юм.

Ингэхэд та ямар мэргэжилтэй вэ? Сургууль төгсөөд хэдэн жил болж байна вэ?
Миний хувьд 2002 онд Москва хотод олон улсын харилцааны дээд сургууль төгссөн. Сургуулиа төгсөөд таван жилд болж байна.
Сургууль төгсөөд нилээдгүй хугацаа өнгөрчээ. Төгсөж ирээд шууд барилгын салбарлуу орсон уу? Альт эсвэл
Тиймээ сургуулиа төгсөөд овоо хэдэн жил болж байна. Өмнө нь янз бүрийн салбарт ажиллаж байсан. Эдгээрээс дурдвал бөөний худалдааны сүлжээ, төмөр зам гэх мэт.

Таны хувьд мэргэжилээсээ тэс ондоо салбарт хөл тавихад хүндрэлтэй асуудлуудтай их тулгарч байсан байх. Энэ талаараа яривал...
Анх намайг барилгын ажлыг хариуцаад ажил гэхэд нь чадах болов уу яах бол гэж дотроо их л эргэлзэж байсан. Тэгтэл надад манай архитектор ах урам өгч  "Идэх хоол хүнс, өмсөх хувцас, орон байр нь хүний анхдагч 3 хэрэглээ юм. Тийм ч учраас чи бас л нэг хэрэгцээгээ хангаж байна гэсэн үг"  гэж хэлж байсан юм. Нээрээ л тэр хүний хэлсэнээр өөрт оногдсон үндсэн үүргээ биелүүлж байна. Үүгээрээ ч би их бахархадаг.

Яг хэзээнээс барилгын чиглэлээр танай компани болон та ажиллаж эхэлсэн бэ?
2004 оноос барилгын ажлаа эхэлсэн. Миний хувьд 2006 оноос удирдан зохион байгуулж байгаа. Үүнээс өмнө нь манай аав ажиллаж байсан юм.

Аливаа барилгыг барихад янз бүрийн холбогдох яам тамгын газраас зөвшөөрөл, бичиг баримт бүрдүүлдэг. Энэ тал дээр хүндрэлтэй зүйл гардаг уу ?
Би одоо байгаа нөхцөлд сэтгэл хангалуун байдаг. Аливаа зүйлд тодорхой хэмжээний хүрээнд шалгуур байх ёстой гэж үздэг. Холбогдох бичиг баримт зөвшөөрлийг нь цаг тухай бүрд нь өгвөл ямар нэг хүндрэл байхгүй.

Танай компани байгуулагдсанаасаа хойш ямар ямар барилга барьж хотынхоо үзэмж, иргэдийнхээ амжиргаанд хувь нэмэр оруулсан бэ?
2004 онд 1- р эмнэлгийн урд талд Элит – 1, 2005 онд Элит- 2
2006 онд Oreal dream орон сууцыг барьж ашиглалтанд өгч байсан. 2007 оны хувьд “ Номноо tower “ Номноо хотхонг барьж дуусгахад бэлэн болоод байна. “ Номноо tower “-ын захиалга нь дууссан. Одоо Нмноо хотхон 70% - ийн захиалга аваад байна.

Барилга гэснээс барилгын материалаа танайх хаанаас авдаг вэ?
Бид карказан хийцэлтээ “улаан цементээр” , арматурын хувьд Дархан-Уул аймгийн Төмөрлөгийн үйлдвэрээс авч хийдэг. Хөнгөн бетон үйллдвэрийн хөнгөн бетон, блокийг ашигладаг. Сантехник, цахилгааны материалыг Дани, Чех,  ОХУ-аас оруулж ирдэг.      
          
Манай Монголчуудын хувьд ийм сэтгэлгээ байдаг. Хятадын бараа бол чанар муутай. Энэ талаар таны бодол.
Заавал Хятадын бараа чанар муутай байх албагүй. Учир нь бид үйлдвэрээс нь оруулж ирдэг. Болохоор элдэв санаа зовох зүйлгүй. Үнэ дагаад чанар гэдэг үгтэй санал нийлж байна. Манайх барилгаа тусгай зөвшөөрөлтэй компаниудаар хийлгэдэг.

Penthouse юугаараа бусад барилгуудаас давуу вэ ?
Номноо брэндийн барилгууд нь дундаас дээд түвшний гэж яригддаг. Энэ нь нэг хүнд ноогдох талбайн хэмжээ их юм. Мөн манайх нийт оршин суугчидын 70-80 %- т нь зориулж газар доорх автомашины зогсоолыг хийсэн байгаа.

Танай компаний барьж байгаа “ Номноо “ хотхоны талаар мэдээлэл хаанаас авч болох вэ?
Номноо хотхоны талаарх мэдээллийг 99090255 гэсэн дугаартай холбогдоод авч болохоос гадна www.nomnoo.com  хаягаар асуух зүйлээ бичиж ирүүлээрэй.

Барилга барьж байхад хөгжилтэй зүйл их гардаг байхаа . Таны хувьд сэтгэлд хоногшсон дурсгалтай сайхан мөчөөсөө уншигчидтайгаа хуваалцаач
2007 онд анхныхаа барилгыг барьж байхад гоё ч юм шиг нэг бодлын энэ бүх ажлын дараа ямар юм босох бол гэхээс эмээж байсан. Дараа нь боссон хойно нь хараад гайхалтай санагдсан. Хийж чадсан гэдэгтээ өөртөө ч итгээгүй. Харин одоо бодоход хамгийн дурсгалтай үе байсан. Энэ удаагийн барилга дээрээ харьцангуй тайван байлаа.

Цаашдаа энэ чиглэлээрээ ажиллах уу ?
Тэгэлгүй яахав. Цаашдаа энэ чиглэлээрээ ажиллах болно. Шинэ шийдэл бүхий тавлаг орон сууцыг барина гэдэгтээ итгэлтэй байна.