УИХ-ын Байгаль орчин, хvнс, хєдєє аж ахуйн байнгын хорооны хуралдан УИХ-ын гишvvн Ц.Мєнх-Оргил, Я.Санжмятав, Р.Буд, Б.Бат-Эрдэнэ нарын санаачлан єргєн барьсан Ашигт малтмал эрэх, хайх, ашиглах vйл ажиллагааг хязгаарласан экологийн ногоон бvсийн тухай хуулийн тєслийг хэлэлцлээ. Энэ хуульд Монгол орны нутаг дэвсгэрийн 47-р єргєрєгєєс хойшхи бvс нутгийг экологийн ногоон бvс болгон зарлаж, энэ бvс нутагт ашигт малтмал эрэх, хайх, ашиглах vйл ажиллагааг хязгаарлах тухай тусгасан байна. Ингэхдээ шинээр лиценз олгохгvй байх, одоо ашиглаж байгаа лицензvvдийг цааш сунгахгvй байх замаар хязгаарлах нь зvйтэй гэж vзэж байгаа ажээ.

Одоо мєрдєж байгаа Ашигт малтмалын тухай хуулиар бол ашиглалтын лицензийг 30 жилээр єгч хоёр удаа 20 жилээр сунгадаг учраас эхний зєвшєєрлєє авсан бол 30 жил хангалттай хугацаа, гэхдээ хэлэлцvvлгийн явцад хоёрдахь 20 жилийг оруулж болох юм гэсэн тайлбарыг тєсєл санаачлагчид ярьж байна. Харин хайгуулын лицензийг гурван жилээр єгч хоёр удаа гурван жилээр сунгадаг байна. Тиймээс хайгуул хийгээд нєєцєє батлуулан ашиглалтын лицензийн зєвшєєрєл хvссэн аж ахуйн нэгжvvд ашиглалтын зєвшєєрлєє авч болох юм байна. Харин дээрх хууль элс, хайрга, шороо гэх мэт барилгын материалд хамаарахгvй зєвхєн алт, зэс зэрэг єнгєт металлд хамаатай байх юм байна. Одоогийн байдлаар манай орны нутаг дэвсгэрт 5000 гаруй хайгуул, ашиглалтын лиценз байгаагаас 2700 гаруй нь 47-р єргєрєгєєс хойш нутаг дэвсгэрт хамрагдаж байгаа юм. Мєн энэ бvс нутагт манай орны гадаргын усны 85, гvний усны 20 орчим, ойн нєєцийн 95 хувь оногдож байдаг нь тогтоогджээ.

Монгол орны ой нь гол мєрний усыг зохицуулах, хєрсийг элэгдэл, эвдрэлээс хамгаалах, уур амьсгалыг зєєлрvvлэх, хvлэмжийн хийг шингээх, амьтан ургамлын амьдрах таатай орчинг бvрдvvлэх, мєнх цэвдгийг тогтоон барих зэрэг байгаль орчны тэнцвэрт байдлыг хангах, хамгаалалтын єндєр ач холбогдолтой эмзэг тогтоцтой экосистем учир дээрх бvс нутгийг экологийн ногоон бvс болгон зарлахаар хуулийн тєсєл санаачилжээ. Ингэхгvй бол vржил шим бvхий газрын хєрс устан, мал бэлчих, газар тариалан эрхлэх талбай багасч, гол горхи, усны эх бохирдон, олон мянган жилээр бvрэлдэн тогтсон амьтан ургамал бvхий экосистемийн тэнцвэрт байдал алдагдахад хvрч болзошгvй байгаа юм. Монголчууд ХХ зууны эхээр газар нутгаа 10 орчим тєрлийн зориулалтаар ашигладаг байсан бол єнєєдєр 140 гаруй тєрєлд хvрчээ.