Ирэх оны газар зохион байгуулалтын төлөвлөгөөг НИТХ-аас батлан гаргалаа. Энэхүү газар зохион байгуулалтын төлөвлөгөө нь өнгөрсөн онуудаас арга зүйн болон агуулгын хувьд шинээр төлөвлөгдсөн төдийгүй орчин үеийн дэвшилтэд аргазүй, технологиудыг ашиглан CCG хөтөлбөрийг боловсруулсан байна. Мөн 2009 оны төлөвлөгөөг “Үндэсний хөгжлийн цогц бодлого”, “Атрын-3 аян” зэрэг хөгжлийн томоохон хөтөлбөрүүдтэй уялдуулан боловсруулжээ. Энэ онд нийслэлийн Газрын алба иргэддээ хүртээмжтэй, түргэн шуурхай үйлчлэх үүднээс төвлөрсөн мэдээллийн цахим санг бүрдүүлэн, ажиллуулж байгаа билээ. Мөн энэ онд нийслэлийн Засаг даргын захирамжаар 7187 иргэнд 590.23 га газрыг өмчлүүлсэн байна. Газрын дуудлага худалдаагаар зургаан байршил бүхий 20.32 га газрыг нээлттэй худалдаж, 2 тэрбум 337.47 сая төгрөгийг төсөвт оруулжээ.

Харин ирэх онд гурван тэрбум төгрөгийг газрын дуудлага худалдаагаар нийслэлийн төсөвт оруулахаар төлөвлөөд байгаа юм.