-Орон сууцны 7-р хороолол сүндэрлэхээр боллоо-
“40 мянган айлын орон сууц” хөтөлбөрийн хүрээнд урт хугацааны орон сууцны зээл ид хэрэгжих шатандаа явж байна. Энэ зээлийг хувь хүнд олгохгүй бөгөөд нэг өрхөд 25 сая хүртэлх төгрөгийн зээлийг Орон сууцны санхүүжилтын корпорациас арилжааны банкуудаар дамжуулан олгох юм. Харин тухайн өрхийн сарын дундаж орлого 600-800 мянган төгрөг байх ёстой аж. Мөн энэ зээлээр өдгөө зах зээл дээр байгаа орон сууцнаас авч болох бөгөөд хэрэгтэй бичиг баримтаа бүрдүүлэн Капитал, Анод, Голомт, Улаанбаатар зэрэг банкнаас авч болох юм байна. Харин “40 мянган айлын орон сууц” хөтөлбөрийн хүрээнд баригдаж буй барилгын эхнийх нь ирэх жилээс ашиглалтанд орно. Саяхан 2008 оны 4 дүгээр сарын 25-ны өдөр Нийслэлийн Засаг дарга бөгөөд Улаанбаатар хотын захирагчийн 163 тоот захирамжийн дагуу, Засгийн газрын “40000 орон сууц” хөтөлбөрийн хүрээнд Сүхбаатар дүүргийн 11 дүгээр хорооны нутаг дэвсгэрт “Орон сууцны 7-р хороолол” төслийн эхний ээлжийн орон сууцны барилгын шав тавих ёслолын ажиллагаа болсон юм. Уг ёслолын ажиллагаанд Монгол Улсын ерөнхийлөгч Н.Энхбаяр, Нийслэлийн засаг дарга бөгөөд Улаанбаатар хотын захирагч Т.Билэгт, Барилга, хот байгуулалтын сайд Ц.Цолмон, УИХ-ын гишүүд болон албаны бусад хүмүүс оролцсон байна. Долдугаар хорооллын эхний ээлжийн буюу “Р хэсэгт 1008 айлын орон сууц баригдах ажээ. Зээл авах иргэн Монгол Улсын иргэн байх бөгөөд өрхийн орлогын 40 хүртэлх хувиар зээлийн хүүгээ cap бүр төлөх чадвартай байх аж. Мөн худалдан авч байгаа орон сууц тухайн өрхийн анхдагч байр байхаас гадна зээлийнхээ 25 хувийг урьдчилан төлөх шаардлагатай. Ингээд айл өрхөд олгох энэхүү зээлийн нөхцөл болон зээлдэгчийн шалгуур үзүүлэлтүүд ямар байх, зээл эргэн төлөлт хийх хувилбаруудыг та бүхэнд дэлгэрэнгүй танилцуулж байна.

Иргэдэд олгох зээлийн нөхцөл
Сангийн яамнаас Оролцогч арилжааны банкуудтай байгуулсан “Дамжуулан зээлдүүлэх гэрээ”-гээр байршуулсан нийт эх үүсвэрийн хөрөнгийн 40 хувьтай тэнцэх хөрөнгийг орон сууцны зээлд зориулан зарцуулна. Орон сууцны зээлд зарцуулах эх үүсвэрийг хөтөлбөрийн хүрээнд баригдсан орон сууцыг зээлээр худалдан авах, зах зээл дээр худалдагдаж байгаа орон сууцыг зээлээр худалдан авахад зориулан санхүүжүүлнэ.
Зээлийн хэмжээ: Нэг өрхөд 25.0 сая төгрөг хүртэл
Зээлийн хүү: Жилийн 11 хүртэл хувь байна.
Зээлийн хугацаа: 10 жил хүртэл
Зээлийн барьцаа хөрөнгө: Зээлийн санхүүжилтээр худалдан авсан, барьж дуусгасан орон сууц байна. Дэд зээлдэгч нь зээлийн төлбөрийг хугацаанаас нь өмнө төлсөн тохиолдолд зээлийн хүүг үндсэн зээлийн үлдэгдлээс ашигласан хоногоор нь тооцож бодно. Ингэхдээ тухайн ашигласан зээлийгжилийн 360 хоногт нийцүүлэн тооцсон бодит хоногт үндэслэн тооцно.Оролцогч арилжааны банкууд дэд зээлдэгчээс зээлийн хүүг өөрөөр ямар нэгэн хүү, шимтгэл, хураамж авахгүй.

Зээлдэгчийн шалгуур үзүүлэлт
•    -Монгол Улсын иргэн байх
•    -Өрхийн орлогын 40 хүртэл хувиар cap бүрийн зээл хүүгийн төлбөрийг төлөх чадвартай байх
•    -Худалдан авч байгаа орон сууц нь тухайн өрхийн анхдагч орон сууц байх
•    -Худалдан авах орон сууцны үнийн дүнгийн 25-аас доошгүй хувийг төлөх төлбөрийн баталгаатай байх
•    -Төрийн болон хувийн хэвшлийн байгууллагад тогтвортой ажилладаг байх
•    -Бизнесийн орлоготой байх /2-оос дээш жил тухайн бизнесийн үйл ажиллагааг тогтвортой эрхэлсэн байх/
•    -Өрхийн гишүүд үүргийн биелэлтийг хамтран хүлээх чадвартай байх

Зээл хүссэн иргэдийн бүрдүүлэх материалууд;
Зээл хүссэн өргөдөл. Үүнийг гараар бичсэн байх шаардлагатай бөгөөд худалдан авах байрны байршил, зээлдэгнийн гаргах мөнгөний хувь зэргийг дурьдсан байна.
•    -Иргэний болон ажлын үнэмлэх, нийгмийн даатгалын дэвтрийн нотариатаар баталгаажуулсан хуулбар, хамтран зээлдэгчийн хамт
•    -Ажлын газрын тодорхойлолт, цалингийн тодорхойлолт, ажилласан жил, хөдөлмөрийн гэрээ
•    -Зээлдэгчийн гэр бүлийн гишүүдийн анкет, цээж зурагтай
•    -Байнга оршин суугаа Засаг даргын тодорхойлолт
•    -Өрхийн орлого тодорхойлох баримтууд, хувиараа хөдөлмөр эрхэлдэг бол өдрийн орлогоо мөнгөн хуримтлал болгон банкинд хугацаатай, хугацаагүй хадгаламж хэлбэрээр тогтмол байршуулсныг нотлох дэвтэр, харилцах дансны хуулга, хувиараа нийгмийн даатгалын шимтгэл төлдөг болохыг нотолсон дэвтэр
•    -Гүйцэтгэгч болон зээлдэгчийн хооронд байгуулсан орон сууц худалдах, худалдан авах гэрээ
•    -Батлан даалттай бол түүний албан ёсны хүсэлт, хөрөнгийн баталгаа
1.Орон сууцны урт хугацаат зээл, зээл эргэн төлөлт хийх хувилбарууд
•    Орон сууцны үнэ 10,000,000
•    Жилийн хүү 11,00%
•    Төлбөр хийх тoo /cap/ 120
•    Зээлийн хэмжээ /төг/ 7,500,000,000
•    Сарын төлбөр /төг/ 103,313
•    Өрхийн нийт орлого 258,283
2.Орон сууцны урт хугацаат зээл, зээл эргэн төлөлт хийх хувилбарууд
•    Орон сууцны үнэ 15,000,000
•    Жилийн хүү 11.00 %
•    Төлбөр хийх тoo /cap/ 120
•    Зээлийн хэмжээ /төг/ 11,250,000.000
•    Сарын төлбөр /төг/ 154,969
•    Өрхийн нийт орлого 387,423
3. Орон сууцны урт хугацаат зээл, зээл эргэн төлөлт хийх хувилбарууд
•    Орон сууцны үнэ 20,000,000
•    Жилийн хүү 11 %
•    Төлбөр хийх тoo /cap/ 120
•    Зээлийн хэмжээ /төг/ 15,000,000.000
•    Сарын төлбөр /төг/ 206,625
•    Өрхийн нийт орлого 516,563
4.Орон сууцны урт хугацаат зээл, зээл эргэн төлөлт хийх хувилбарууд
•    Орон сууцны үнэ 25,000,000
•    Жилийн хүү 11 %
•    Төлбөр хийх тoo /cap/ 120
•    Зээлийн хэмжээ /төг/ 18,750,000.000
•    Сарын төлбөр /төг/ 258,281
•    Өрхийн нийт орлого 645,70
5. Орон сууцны урт хугацаат зээл, зээл эргэн төлөлт хийх хувилбарууд
•    Орон сууцны үнэ 30,000,000
•    Жилийн хүү 11%
•    Төлбөр хийх тoo /cap/ 120
•    Зээлийн хэмжээ/төг/ 22,500,000.000
•    Сарын төлбөр /төг/ 309,938
•    Өрхийн нийт орлого 774,845
•   
6.Орон сууцны урт хугацаат зээл, зээл эргэн төлөлт хийх хувилбарууд
•    Орон сууцны үнэ 33,333,333
•    Жилийн хүү 11 %
•    Төлбөр хийх тoo /cap/ 120
•    Зээлийн хэмжээ /төг/ 25,000,000.000
•    Сарын төлбөр /төг/ 344,375
•    Өрхийн нийт орлого 869,938
•    Орон сууны үнэ ханш ямар байна
        Өнөөдөр шинээр баригдаж буй орон сууцны үнэ нэлээд өсөж нэг м.кв талбай нь 1000 ам.доллараас хол давж буй ажээ. Үүнийг барилгын материалын үнэ өсөж байгаатай зарим нь холбон тайлбарлаж байгаа боловч иргэд ченжүүдээр дамжуулан орон сууц захиалж байгаа нь үнэ хөөрөгдөхөд нөлөөлж байна гэж барилгын салбарынхны ихэнх үзэж байна. Харин үнээ арай хямдхан зарлаж буй орон сууцнуудын заримаас танилцуулъя. Баянзүрх дүүрэгт Кино урлагийн дээд сургуулийн зүүн талд барьж буй 45 айлын орон сууцны 1 м. кв талбайн үнэ 900 ам.доллар байна. IV хорооллын хойно барьж буй 59 айлын орон сууц, Москва хорооллын байрны 1 м.кв талбайн үнэ 1200 ам.доллар юм байна. “Хасуу констракшн” компани Туулын хөвөөнд барьж буй орон сууцныхаа 1 м.кв талбайг 1000 ам.доллараар худалдаалж байгаа аж. Тэгвэл хуучин орон сууцны үнэ мөн өссөн хандлагатай байна. Тэдгээрийн үнэ байршлаасаа хамааран янз бүрийн ханштай байгаа аж. Та бүхэнд хуучин орон сууцны үнэ хаана ямар үнэтэй байгааг танилцуулж байна.