Энэ асуудал олон жил яригдаж, газрын маргаанаас үүдэн эзэнгүй мэт үхмэл газар болчихоод байсан билээ. Энэхүү газрын маргааныг Улаанбаатар хотын шинэ удирдах хүмүүс асуудлыг шийдвэрлэсэн байна. Иймд ҮСАХ-ийг шинэчлэх үүргийг хүлээн авсан Японы "Иточу" корпораци нь өнгөрсөн онд Монголд оруулж ирсэн уг хүрээлэнд байрлуулах төрөл бүрийн автомат тоглоом, тоног төхөөрөмжөө ирэх хавраас суурилуулах ажилдаа орохоор болжээ.

Нийслэлийн ҮСАХ нь шинээр ашиглалтанд орсноор Улаанбаатарын хүүхэд, залуус төдийгүй настан буурлууд, иргэд чөлөөт цагаа өнгөрүүлэх ногоон цэцэрлэгт хүрээлэн бүхий сайхан газартай болох юм.