Тус холбооноос эрчим хүчний салбарт гараад байгаа хүндрэл бэрхшээлүүд болон аж ахуйн нэгж, байгууллага, айл өрхөөс авах ёстой 26.9 тэрбум төгрөгийн авлагыг ч үнэ нэмэгдүүлэх нэг шалтгаан болгож байгааг санхүү, эдийн засгийн хямралаас огтхон ч шалтгаалаагүй бөгөөд харин ч хямрал дээр улам нэрмээс болж байгааг тэмдэглэсэн юм. 

Түүнчлэн цахилгаан, дулааны үнэ суурь үнэ учраас зах зээл дээр бараа бүтээгдэхүүн, ажил үйлчилгээний үнэ өсөх нь шударга бус өрсөлдөөнийг хориглох талаар хууль эрх зүйн орчин бүрдээгүй орны хувьд хүнд тусна гэж үзэж байгаагаа илэрхийлэв. 

Иргэдийн амьдралд эдийн засгийн хямралаас ч хүнд тусах энэхүү асуудлыг засгийн газар хэрэглэгчдэд нэмэлт ачаа болгохгүйгээр шийдвэрлэх боломжтой гэж МҮЭ-ийн холбоо үзэж, дулаан, цахилгааны үнийг өсгөхгүй байх арга хэмжээ авахыг Засгийн газраас шаардлаа.