Нийслэлийн ерөнхий боловсролын сургууль, цэцэрлэг, соёл, шинжлэх ухааны байгууллагын эзэмшил газарт өөр зориулалтаар зөвшөөрөл олгохгүй” гэж Нийслэлийн Засаг дарга бөгөөд Улаанбаатар хотын захирагч Г.Мөнхбаяр мэдэгдлээ.

Тэрбээр өнгөрөгч пүрэв гаригт “Монгол Улсын боловсролыг 2006-2015 онд хөгжүүлэх мастер төлөвлөгөө”-г хэрэгжүүлэх зорилгоор БСШУ-ны сайд Ё.Отгонбаяртай хамтын ажиллагааны санамж бичигт гарын үсэг зурсан юм.

Тэд дээрх хоёр ажлаас гадна багш нарын мэргэшлийг байнга дээшлүүлэхэд зориулсан “Багшийн хөгжлийн ордон“-ыг нийслэлд барих, Үндэсний номын ордны шинэ цогцолборыг барьж эхлүүлэх, Улаанбаатар хотын захирагчийн захиалгаар, нэн хэрэгцээтэй нарийн мэргэжлийн боловсон хүчнийг гадаадын өндөр хөгжилтэй орнуудад бэлтгэх, “100 мянган айлын орон сууц” хөтөлбөрийн хүрээнд дүүрэг бүрээс 50 багш, боловсролын ажилтныг орон сууцны зээлд хамруулах, зуслангийн газартай болгох, багш нарт олгох цалингийн зээлийн нөхцөлийг хөнгөлөх, нийслэлийн есөн сургуулийн цайны газрыг стандартын тоног төхөөрөмжөөр хангах, “Багшийн хөгжлийн төв”-ийг дүүрэг тус бүрт хоёроос доошгүйг байгуулж, компьютер, техник хэрэгслээр иж бүрэн тоноглогдсон кабинеттэй болгоход санхүүгийн дэмжлэг үзүүлэх зэрэг багш, ажилтнуудын нийгмийн асуудал болоод оюутан сурагчдын сурах таатай орчныг бүрдүүлэх олон ажлыг хамтран хийхээр үзэглэлээ гэж Нийслэлийн Хэвлэл, мэдээллийн албанаас мэдээллээ.