Улаанбаатар хотын Захирагчийн Ажлын Албанаас эхлээд Барилга, хот байгуулалт, төлөвлөлтийн газар, Авто замын газар, Мэдээлэл технологийн газар, Эрүүл мэндийн газар гэсэн 15 байгууллага одоогоор нүүж ороод байна.

Энэ сарын 15-ны дотор гэхэд бүх байгууллага нийслэлийн Засаг даргын Тамгын газрын шинэ байранд орсон байх аж. Түүнчлэн нийслэлийн Засаг даргын орлогч нар ч шинэ байрандаа оржээ. Нийслэлийн Засаг даргын Тамгын газрын шинэ байр нь чуулганы нэг, хурлын гурван танхимтай байна. Харин нийслэлийн Иргэдийн төлөөлөгчдийн хурлын дарга, нийслэлийн Засаг дарга нар хуучин байрандаа байрлах гэнэ.

Дашрамд  дурьдахад  тус барилгын гүйцэтгэгчээр “Богда холдинг” ХХК ажилласан бөгөөд 2008 оны шилдэг барилгын нэгээр шалгараад байгаа аж.