“Rokmon building” office center–ийн хурлын танхимд “Хямралын үе дэх нөөцийн удирдлага” сэдвийн дор уулзалт семинар хийлээ. Семинарт 60 гаруй барилгын компанийн 74 төлөөлөгчид оролцож барилгын салбарт тулгамдаж байгаа асуудлын талаар илтгэл тавьж, хямралаас хэрхэн яаж гарах талаар санал бодлоо чөлөөтэй солилцож ярилцлаа.

Семинарт “Голомт” банкыг төлөөлж, тус банкны эрсдлийн удирдлагын менежер Баярцэцэг үг хэлэхдээ, 2009, 2010 онд банкууд урт хугацааны зээл олгох боломжгүй тухай мэдэгдээд , хямралын үед барилгын бизнес эрхлэгчдэд хандан Авлагаа цуглуулж төвлөрүүлэх, ашиггүй хөрөнгөө зарж борлуулж эргэлтэнд оруулах, гадаад хөрөнгө оруулалт хайх, хөрөнгө оруулалтыг татах зэрэг арга хэмжээ авахыг зөвлөлөө. 

Мөн зарим төлөөлөгчдийн хэлсэн саналыг дурьдвал, 

``Баянхайрхан трейд``ХХК-ийн Ерөнхий захирал Ж.Дамба: Төмөр замаар гипсэн хавтан, замаск нийлүүлээд ачсан ч нэг вагон нь 2 сая төгрөг, гипсэн хавтан үйлдвэрлэх бодис нийлүүлээд ачсан ч төлөөсийн хувьд ижил байдаг тухайд татварын хэмжээ, төлбөр дээр анхаарах ёстойг санууллаа. 

“Олимп тауэр” ХХК-ийн ерөнхий инженер Ш.Мягмар: Дотооддоо замаск цемент зэргээ үйлдвэрлээд болоод байгаа цаашлаад барилгын материалаа өөрсдөө үйлдвэрлэе, мөн гаднаас хялбаршуулсан шинэ технологи нэвтрүүлэх, ажиллах хүчээ додооддоо сургаж бэлдэх зэрэг саналыг хэллээ. 

``Хөтөл цементийн үйлдвэр``-ийн Улаанбаатар хот дахь төлөөлөгч Болд: Хотоос хол, мэдээлэл хомс байдаг тухайгаа дурьдаад тус семинарт овжирхон хамгийн түрүүлж ирсэн тухайгаа хэлэв. Тэрээр: Хямралаас гарах гарц бага байна. Компаниуд стратегийн төлөвлөгөөтэй байсан байгаагүй адилхан хямралд нөмрөгдсөн. Иймд цаашдаа яахаа шийдэх хэрэгтэй байна. Хямралыг хамтдаа туулаад гарахаас өөр аргагүй. Бид төр засгаас дэмжлэг авах хэрэгтэй байна. Дэмжлэг гэхээр заавал мөнгө биш бодлогын чанартай, жишээ нь: Хятадаас орж ирж байгаа чанаргүй цементийг хязгаарлах хэрэгтэй. Эрэл компани, Хөтөл хоёр 300 мянга гаран тн цемент үйлдвэрлэдэг. Манай дотоодын хэрэгцээ 1 сая тн /2008 оны судалгаагаар/. Бусад хувь нь Хятадаас орж ирж байна. Бидний хямраад буй нөхцөл байдалд төр засаг оролцох хэрэгтэй байна.Үндэсний үйлдвэрлэлээ дэмжих хэрэгтэй гэв.

Хямрал бүгдэд минь нөлөөлж байгаа болохоор бидэнд хамтач сэтгэлгээ хэрэгтэй юм аа. Энэ мэтчлэн олон санал санаачлагуудыг төлөөлөл удирдлагууд хэлж байлаа. 

Та бүхэн санал бодлоо сэтгэгдлээр үлдээх буюу barilgamn@yahoo.com хаягаар илгээгээрэй. Бид хамтдаа нэгдэж байж хямралаас гарах учиртай.