Уг vйлдвэрийн техник, эдийн засгийн vнэлгээг Японы “Тоёо инженеринг” компани хийж өгсөн ажээ. Энэ vйлдвэрийн талаар Монгол Улсын Шинжлэх ухааны гавъяат зvтгэлтэн, Төрийн шагналт, академич, профессор Т.Намжимаас тодруулсан юм. Тэрээр нефтийн vйлдвэр барих гэж буй “Монгол секию” компанийн захирал.

-Газрын тос нэрэх vйлдвэр барих ажил хэзээ эхлэх вэ?

-Техник эдийн засгийн vнэлгээ хийгээд дууссан. Ирэх тавдугаар сараас барилгын ажил эхэлнэ гэж тусгасан байгаа. Энэ хугацаандаа барилгын ажил эхэлчихвэл 2012 оны зургадугаар сар гэхэд ашиглалтад орно гэсэн тооцоотой байна.

-Хөрөнгө оруулалт хаанаас яаж хийх вэ?

-Японы Хөгжлийн банкнаас зээл авах юм. Засгийн газар ч бай, хувийн компани ч бай заавал Засгийн газар баталгаа гаргаж өгөх ёстой. Одоо,Засгийн газраар баталгаа гаргуулах гэрээний төсөл боловсруулаад байна.

-Эдийн засгийн хямралын vед зээл олгох болов уу?

-Энэ банк Японы Засгийн газрын банк болохоор зээл найдвартай олгоно гэсэн юм. Гол нь манай Засгийн газрын баталгаа хэрэгтэй байгаа. Нөгөө талаар тоног төхөөрөмжийн vнэ нэлээд хямдарсан байгаа нь олзуурхууштай юм. Энэ нь дэлхийн эдийн засгийн хямралаас болсон юм билээ.

-Ашиглалтад орчихвол дотоодын хэрэгцээгээ хангаж чадах уу. Хэдэн төрлийн бvтээгдэхvvн гаргах юм бол?

-Дотоодын хэрэгцээгээ зуун хувь хангаж чадна гэж vзэж байгаа. 2015 он гэхэд Монгол Улс жилд нэг сая орчим тонн дизелийн тvлш, 700 гаруй мянган тонн бензин хэрэглэнэ гэсэн тооцоо байдаг. Монголчуудын ярьдгаар А-92, А-93, дизелийн тvлш, онгоцны бензин гаргана. Мөн тvлшний мазут, кокс гарах юм. Дарханы төмөрлөгийн vйлдвэр кокс авч хэрэглэх болсон.

-Тvvхий эдээ хаанаас хангах гэж байна. Жилд хэдэн тонн нефьт боловсруулах вэ?

-Казахстанаас тvvхий нефть авах гэрээ хийсэн. Жилд хоёр сая тонн нефть боловсруулна. Хамгийн сvvлийн vеийн тоног төхөөрөмж ашиглах учраас тvvхий нефтийнхээ 90 хувиас нь шатахуун гаргажх бололцоотой юм.

-Манайх бага боловч нефть олборлож байгаа. Yvнийг ашиглах уу?

-Тамсагаас жилд 140 гаруй мянган тvvхий нефть олборлож байгаа. Yvнийг хоёр сая болгоно гэдэг цаг хугацаа их шаардсан ажил болно.

-Хэрэв ашиглалтад орчихвол нефть боловсруулах анхны vйлдвэртэй болох нь ээ дээ?

-Урд нь 1960-аад оны vед Зvvнбаянд нефть боловсруулах vйлдвэр байсан. Нефть нь өтгөн болохоор шингэн тvлш бага гарах тал бий. Тэр vед А-65 маркийн бензин vйлдвэрлэдэг байсан. Тэгээд манайд ашиглаж байгаа машин техник нь бvгд А-76 маркийн бензин хэрэглэдэг болсон юм. Энэ vед vйлдвэрийн тоног тө-хөөрөмжөө шинэчлэх шаардлага гарч ирсэн. Ингээд тооцоо хийж vзээд тухайн vед хойд хөршөөс импортоор авах нь хямд байсан болохоор тэр vйлдвэрийг хаасан юм.