Барилга МН

 

Монгол улсад барилгын салбар үүсч хөгжсөний 88 жилийн ой энэ жил тохиож байна. Жил бүрийн намар Барилгачдын энэ баярыг тохиолдуулан Барилгын Зөвлөгөө Мэдээллийн Төвөөс зохион байгуулдаг  “Барилга Орон Сууц-2014” үзэсгэлэн яармаг 2014.09.05-09.07-ны өдрүүдэд Мишээл экспо төвд болно.

Иргэдийн байр, орон сууцны хэрэгцээг хангах болон барилгын салбарынхны борлуулалтыг өсгөхөд дэмжлэг үзүүлэх зорилготой энэхүү үзэсгэлэнд гадаад дотоодын барилгын материал үйлдвэрлэгч, ханган нийлүүлэгч, барилга угсралт, хөрөнгө оруулагч, үл хөдлөх хөрөнгийн зуучлагч зэрэг олон салбар хүрээний аж ахуйн нэгж компаниуд оролцож өөрийн бүтээгдэхүүн, үйлчилгээгээ нийтэд сурталчилан таниулах, бизнесийн хамтын ажиллагаагаа өргөжүүлэх боломжтой.

Иргэд, олон нийт төдийгүй барилгын салбарынхны хүсэн хүлээдэг хамгийн том арга хэмжээ болох  “Барилга Орон Сууц- 2014” намрын үзэсгэлэнгийн талбайн бүртгэл эхэлсэн.

Мөн танай байгууллага анх удаа үзэсгэлэнд оролцох гэж байгаа болон барилгын салбарт шинэ бүтээгдэхүүн үйлчилгээг нэвтрүүлж байгаа бол үзэсгэлэнгийн талбайг ямар нэг шалгуургүйгээр авах боломжтой. Ингэсэнээр бид салбарт шинээр үйл ажиллагаа эхэлж буй байгууллага, шинэ технологийн дэмжих зорилготой юм.