Сурв: Юуны өмнө манай уншигчдад компаниа товч танилцуулахгүй юу?
        Б. Саранцэцэг: Манай компани утаагүй халаалтын чиглэлээр эрэл судалгаа хийсний үндсэн дээр ОХУ-ын “Галан”, “Билюкс”, “ССТ-Теплолюкс” үйлдвэрүүдийн Монгол дахь албан ёсны төлөөлөгчөөр сонгогдон онцгой технологийн дэвшилтэт бүтээгдэхүүнүүдийг 2004 оноос эх орондоо оруулан ирж байна.
        Сурв: Танай компанийн явуулж буй үйл ажиллагааны чиглэл, зорилго юу вэ?
        Б. Саранцэцэг: Бидний дэвшүүлж буй санаа гэвэл нэгэнт томоохон цахилгаан станцууд үйлвэрлэгдэж байгаа эрчим хүчийг өүрэн дүүрэн, үр ашигтайгаар хэрэглэх явдал юм. Манай орны цахилгаан эрчим хүч үйлдвэрлэл УЦС-уудад тулгуурлан нэмэгдэх төлөвлөгөөтэй байгаа нь яах аргагүй хөгжлийн чиглэл, утаанаас салах боломж юм. Үүнтэй холбогдуулан манай компани ОХУ-ын батлан хамгаалах салбарын технологийг иргэний хүрээнд нэвтрүүлэгч “Галан” компанийн цахилгаан эрчим хүчээр ажилладаг, утаа тортоггүй, ашиглахад хялбар, овор хэмжээ багатай төхөөрөмжүүдийг судлан, Монгол орны нөхцөлд тохиромжтой хэмээн үзэж, оруулж ирсэн бөгөөд одоогийн байдлаар суурилуулагдсан газрууддаа амжилттай ажиллаж байна.
        Сурв: Эдгээр халаалтын системүүдийн гол онцлог, хэрхэн хэрэглэх талаар дэлгэрэнгүй тайлбарлаж өгөхгүй юу?
        Б. Саранцэцэг: Эдгээр халаалтын төхөөрөмжүүд нь овор хэмжээ бага ч одоо манайд ашиглагдаж байгаа нам даралтын тогоо, зуухны үүргийг гүйцэтгэж чадаж байгаа учир халаалтын тогоо хэмээгдэж буй юм. Эдгээр нь тоног төхөөрөмжийн овор хэмжээ нь бага, хэрэглэгчийн зүгээс байнгын үйлчилгээ, хяналт бага шаарддаг, суурилуулах тусгай өрөө байр шаардахгүй, түлш нүүрс их хэмжээгээр нөөцлөх хэрэггүй, утаа тортоггүй, аюул осолгүй, найдвартай, ижил зориулалтын тоног төхөөрөмжөөс харьцангуй хямд, цахилгаан эрчим хүчний тоолуур ашиглан хоногийн тодорхой цагуудад хэмнэлт гаргах боломжтой зэрэг олон давуу талуудтай.
        Сурв:Манай байшин барилгууд дулаан алдагдал ихтэй байна. Нэмэлт халаагч, паар хэрэглэж байгаа хэрэглэгчид олон байдаг. Тиймээс эдгээр бүтээгдэхүүнийг хэрэглээд хангалттай дулаанаа авч чадна гэсэн үг үү?
        Б. Саранцэцэг: Тиймээ. Үнэхээр манайд ашиглагдаж байгаа барилгууд дулаан алдагдало ихтэй байгаа. Зарим нь хуучирч муудсан барилгууд ч бий. Нөгөө гоё чаминд нь анхаарсанаас бас дулаан алдагдалд анхаарал тавиагүй байрууд ч бий. Ер нь халаалтын зарчим бол байрыг халаахдаа гол нь бус байранд дулааныг хадгалах нь илүү чухал. Дулааны асуудлыг үр дүнтэйгээр шийдэхэд барилга орон сууц, монгол гэрийн дулааны алдагдалыг багасгах нь онц чухал ач холбогдолтой юм. Дулаан алдагдалгүй байрыг ганц ширхэг чүдэнзээр ч халааж болно гэдэг үг байдаг шүү дээ. Иймээс л бид хотоо утаагүй болгох тал дээр анхаарал тавин ажиллаж байна. Манай компанийн “Билюкс”, “ССТ-Теплолюкс” компаниудтай хамтран ажиллах, бүтээгдэхүүнийг нь Монголын зах зээлд нэвтрүүлэх гэрээ байгуулан ажиллаж байна. Эдгээр компаниудын бүтээгдэхүүн болох инфра улаан туяаны халаагуур, “Дулаан шал” систем буюу шалны цахилгаан халаалт зэрэг нь зөвхөн байшингийн ч биш мөн монгол гэрийн дулааныг ч шийдэх боломжтой гэдгийг “Улаанбаатарын агаарын бохирдолыг бууруулах мастер төлөвлөгөө” боловсруулах ажлын хэсгийн туршилтанд хамрагдан баталсан юм.
        Сурв: “Галан” цахилгаан халаагч тогооны хэрэглэх заавар онцлог?
        Б. Саранцэцэг: Халаалтын тогоог сонгохдоо халаах байрны талбай, систем дэхь дулаан тээгчийн хэмжээ зэргийг үндэслэн сонгох ба сонголт зөв хийгдсэн тохиолдолд цахилгаан зарцуулалт тооцоолсон хэмжээнд гарч та бүхний ажлыг хөнгөвчилөхөөс гадна тодорхой хэмжээний эдийн засгийн хэмнэлт гарна. Элекьтодот тогоонууд нь халах хурд ихтэй, эвдрэл гэмтэл багатай. Бүх л тогоонууд цахилгаан эрчим хүчээр ажилладаг тоног төхөөрөмжүүд юм. Тэдгээрийн цахилгаан зарцуулалт нь тэжээлийн хүчдэлээс хамаарна.
        Сурв: Тэгвэл инфра улаан туяаны халаалтын хувьд?
        Б. Саранцэцэг: Инфра улаан туяаны хувьд байнгын шууд цахилгаан халаах хэрэгсэлүүдээс хамгийн үр ашигтай орчин үеийнх нь. Харамсалтай нь эдгээр нь манай хэрэглэгчдэд төдийлөн танил биш байгаа билээ. Урт долгионы халаагууруудыг таазан дээр байрлуулах бөгөөд эдгээр нь нарны туяаны адилаар агаар халаахгүй инфра улаан дулааны энергийн урсгал бий болгодог. Ялгарч буй дулаан нь тухайн байгууламж доторх тавилга эд зүйлсийг жигд халаасны үр дүнд тэдгээрийн темпаратур орчины агаарын темпаратураас их байхын зэрэгцээ доор байгаа агаарын дулаан дээр байгаагаас өндөр болж ирдэг байна. Ийм халаалт нь илүү тааламжтай, тухтай орчинг бий болгоно. Тиймээс манай бүтээгдэхүүн Монголын ямар ч нөхцөлд тохирсон хэрэглэхэд хялбар гэж хэлж болно.
        Сурв: Бараа бүтээгдэхүүнийхээ талаар мэдээлэл, зөвлөгөөг хүргэсэн таньд баярлалаа. Илүү дэлгэрэнгүй мэдээлэл авахыг хүсвэл хаана хандах вэ?
        Б. Саранцэцэг: Манай 91115525, 91915525, 91165525, 99075525 гэсэн утсуудаар холөоо барьж сонирхсон мэдээлэл зөвлөгөөг авч болно.