Мөн Хандгайтад зуу гаруй зулзаган гацуурыг vндсээр нь булга татаж, хэсэг хэсгээр нь багцлаад бэлтгэчихсэн байсан нь ойн хамгаалагчтай дайралдсан байна. Уг хууль бус vйлдлийг хэн захиалж, ямар хvн vйлдэж, хааш нь нийлvvлэх гэж байсныг нь тогтоохоор цагдаагийн байгууллага шалгаж эхэлжээ. Модны хулгайчид ийнхvv даварч байгаа талаар Ойн хэрэг эрхлэх газар, Цагдаагийн ерөнхий газар, Улсын мэргэжлийн хяналтын газар, Налайх дvvргийн цагдаагийн хэлтсийн удирдлагууд өчигдөр сэтгvvлчдэд хандлаа. Тэд их хэмжээгээр огтолсон шинэс болон хар модны захиалагчдыг илрvvлснээ дуулгав. Харин хэргийн эзнийг хараахан олж амжаагvй гэлээ.

        Одоогоор дөрвөн аж ахуй нэгж, гурван иргэн мод захиалж бэлтгvvлсэн нь тогтоогдсон байна. Тэр нь "Их урсгал", "Эрдэс налайх", "Нар хайрхан", "Дvн Пан Лун Юvн" компани болон иргэн н.Дашхvv, н.Туяабаатар, н.Идэрчулуун нар аж. Эдний дийлэнх нь хятадууд болохыг Ойн хэрэг эрхлэх газрын дарга С.Тунгалаг онцолсон юм. Дээрх этгээдvvдийн эрхэлсэн хууль бус ажиллагаа багагvй хохирол дагуулжээ. Огтолсон модны нэг метр кубыг нь 68 мянган төгрөгөөр тооцоолоход нийтдээ улсад 23 сая төгрөгийн хохирол учруулсан байна. Дээрээс нь Туул голын усны тvвшин доошилж, эко-логийн тэнцвэрт байдал алдагдахад сөрөг нөлөөлөх нь зайлшгvй.

        Энэ жил арав гаруй мянган га газарт мод суулгажээ. Зулзаган мод хулгайчдын гарт өртсөн дээрх мод шиг өндөр ургахад дунджаар 35 жил шаардлагатай. Гэтэл залуу модыг барилгын тулгуур багана, уурхайн амны бэхэлгээ болгон ашигладаг. Налайхын нvvрсний уурхайн мянга орчим аманд гэхэд нэг сая гаруй хар модоор бэхэлгээ хийсэн байна.

        Хулгайчид ашиг сонирхлынхоо төлөө модыг хайр найргvй устгадаг явдал газар авч байгаа энэ хэрэгт төрийн албан хаагчид гар бие оролцдог гэсэн хар ч бий. Харин өчигдрийн хэвлэлийн бага хурлын vеэр Налайх дvvргийн цагдаагийн хэлтсийн дарга Д.Энхбаяр vvнийг нотоллоо. Тус дvvргийн цагдаа нар найман аж ахуй нэгжийн 18 хvнд холбогдох зохион байгуулалттай модны бизнес эрхлэгчдийг илрvvлсэн байна. Тэд дархан цаазат уул болох Өөлтийн даваа, Галтай булнай зэргээс залуу мод бэлтгэжээ. Тvvнийг хэмжвэл нэг уулын энгэрийг бvхэлд нь бvрхэх гэнэ. Ийм их хэм-жээний модыг унагаахад ойн байцаагч хамтарсан байх юм.

        Модны хулгайчдад тав хvртэлх жилийн ял оноодог байна. Хорлон сvйтгэгчтэй тэмцэх хууль нь хэтэрхий зөөлөн болохоор тэд даварч байна хэмээн мэргэжилт-нvvд ярьж байлаа. Тиймээс хуулиндаа нэмэлт, өөрчлөлт оруулах шаардлагатай гэв.

        Шинэ жил дөхөж байгаатай холбогдуулан албан байгууллага, аж ахуй нэгжvvд гацуурыг огтолж авчраад сvлд мод болгон ашиглах нь элбэг байдаг гэнэ. Энэхvv хууль бус vйлдлийг харсан иргэд 1669 тоот утас руу мэдэгдэж болох юм байна.