Дэлхийн ихэнх улс орон хүн амаа орон сууцаар хангах тусгай хөтөлбөр боловсруулж явуулдаг.  Тэгвэл манай улс энэ тал дээр анхаарч БХБЯ, МУЗГ-ын тогтоолоор гарсан  “40000 орон сууц хөтөлбөр“-ийг нийслэл хотод  төдийгүй хөдөө орон нутагт хэрэгжүүлж байгаа. Гэтэл хөдөө орон нутгуудад “40000 орон сууцны хөтөлбөр”-ийн хүрээнд баригдаж байгаа 40, 20, 16, 12 айлын орон сууцыг барих ажил зогсонги байдалд ороод байна. Энэ талаар 21 аймагт барилгын ажил хийж байгаа гүйцэтгэгч  компаниудын удирдлагууд нэгдэн нийлж БХБЯ-ны сайд Ж.Наранцацралт болон Монгол улсын сангийн сайд  Н.Баярсайхан нарт хандсан албан шаардах бичгийг хүргүүлэхээр болоод байна. Тэд шаардах бичиг хүргэх болсон шалтгаанаа тайлбарлахдаа: Бид өдий хүртэл өөрсдийн хөрөнгө мөнгө мөн  эд зүйлсээ банканд тавьж байгаад зээл аван барилгын ажилаа үргэжлүүлсээр ирсэн. Уг нь гэрээндээ барилгын 20%-ийг гүйцэтгэгч компани өөрийн хөрөнгөөр хийсний дараа төрөөс санхүүжилт хийнэ гэж заасан хэдий ч одоог хүртэл хөдөө орон нутгийн олон компаниудад огт санхүүжилт хийгдээгүй, хэдхэн кампанид 40-50 сая төгрөг олгосон. Гэтэл бидний цаана олон ажилчин, ажиллагсадын ар гэр 1-3 сарын турш цалин хөлсөө авалгүй ажиллаж байна. Өмнө нь бид санхүүжилтийн талаар удаа дараа мэдэгдэж байсан хэдий ч өдөр хоногийг аргацаасан хариу хэлсээр байгаад өнөөдрийг хүрлээ. Тиймээс бид нэгдэж санхүүжилтийн асуудлыг шийдвэрлүүлэхээр энэхүү албан шаардлагыг хүргүүлэхээр болсон юм.
Тэдний ингэж хэлэх нь аргагүй. Өөрсдийн орон сууцнаас авахуулаад унах унаагаа  барьцаанд тавьсан тэдний хувьд дээшээ тэнгэр хол доошоо газар хатуу гэгчийн үлгэр болж байна. Эдгээр хүмүүсийн төлөөлөл болгож Хөвсгөл аймгийн “Бизнес фокус” ХХК-ны  Ерөнхий захирал Д. Хоролбатын ярианд уншигч та анхаарлаа хандуулна уу

Санхүүжилт орж ирээгүйн улмаас барилгын материал, ажилчидын цалин гээд асуудлуудтай тулгарах болсон. Ингээд өөрсдийн эд хөрөнгөө барьцаанд тавьж банкнаас мөнгө зээлсэн юм. Одоогоор 70сая төгрөгийн өртэй болоод байна.

Тэрээр яриандаа тоосгоноос авахуулаад барилгын материал олдохгүй хэцүү байгааг дурдсан юм. Энэ мэтчилэн олон хүмүүс хохирч байна. Яг одоо уншигч танд тэдний шаардах хуудсыг бүрэн эхээр хүргэе